Sikat na aktor, idini-date ng congressman!

May non-showbiz na nobya ang sexy actor. Minsan ay nakita ito sa isang five star hotel na may ka-date na isang super yamang congressman. Kaya naman pala nasusunod ng aktor ang kanyang lifestyle kahit madalang ang kanyang pelikula ay dahil may mayaman siyang financier.

Jj, Pangarap Na Matawag Na Aktres

Sinabi naman ni Joyce Jimenez na marami pa siyang dapat matutunan bago masabing isang tunay na aktres.

Pangarap niyang maging versatile someday bagaman at may nagsasabi na tila magulo ang tinatahak nitong career.

Hindi niya malaman kung magkokomedi o magpapaseksi siya.

Engkwentro Ng Mga Sundalo At Halimaw

Sa lahat ng mga uri ng pelikula, pinakapaborito ng writer-direktor ng Dog Soldiers na si Neil Marshall ang horror movies. Hindi ito pabor sa paggamit ng special effects sa pelikulang katatakutan dahil nakakasawa ito sa paningin ng mga manonood.

Nagsimula ang istorya ng Dog Soldiers nang isang grupo ng mga sinasanay na sundalo sa pangunguna ni Sgt. Henry Wells ang nakakita sa isang kampo ng mga patay na sundalo. Para silang kinain ng mga mababangis na hayop.

Nakakita sila ng isang inabandonang bahay na pinagmumugaran ng mala-higanteng werewolves. Paano kaya sila makakaligtas dito?

Mula sa FX crew ng Interview with the Vampire, Return of the Jedi, The Neverending Story at Hellraiser, ang Dog Soldiers ay tinatampukan nina Sean Pertwee, Kevin Mckidd, Lian Cunningham, Darren Morfitt, Emma Cleasby at Chris Robson. Ito’y release ng Solar Films at itatanghal sa July 24.

Rica, Nakawala Na Sa Bold Movies

Sinabi ni Mommy Alice (ina ni Rica) Peralejo na kuntento na ang anak niya sa paglabas sa telebisyon, sa Kay Tagal Kang Hinintay. Gustung-gusto nito ang role na ginagampanan. "Gusto na ni Rica na gumawa ng wholesome movies at sinabi nga nito na ngayong nakawala na siya sa bold movies ay never na siyang babalik pa dito. Tinanggihan nga nito ang isang pelikula kung saan may eksena na magpapakita ng iba’t ibang posisyon sa sex. Ayon sa aking anak ay paano niya itong mailalarawan gayung hindi pa niya ito nararanasan sa tunay na buhay. Kung tutuusin ay kay Bernard Palanca lang siya nagkaroon ng passionate kissing scenes," anang ina.

Gayunpaman, sinabi ng mag-ina na mananatili naman ang kanilang loyalty sa Viva Films na nakatulong nang malaki para sumikat nang husto si Rica via sa launching movie nito na Balahibong Pusa.

Waiter Sina Robin At Jacky

Nakaapat na episode na ang mini-series na SATSU na tinatampukan nina Jacky Woo at Robin Padilla. Iba’t ibang pakikipagsapalaran ang kanilang sinuong bilang mga alagad ng batas. Kabilang dito ang pagsalakay sa akyat-bahay-gang at pakikipaglaban sa mga Yakuza members.

Sa ikalimang episodes ay magpapanggap na waiter sina Vic (Robin) at Jacky (Jacky rin) para iligtas si Diana laban sa pang-aabuso ni Boy Hapon. Magsasagupa ang dalawang grupo na kinabibilangan nina Robin at Jacky laban sa mga kasangga ni Boy Hapon sa isang bar. Sa wakas ay darating ang mga pulis para arestuhin ang mga salarin.

Palabas ngayon ang SATSU sa IBC 13 sa ganap na 10:00 hanggang 11:00 ng gabi. Prodyus ng Forward Group sa pakikipagtulungan sa Viva TV.