Kris, iniyakan si Joey Marquez sa TV!

Finally, inamin na rin ni Kris Aquino ang tungkol sa kanila ni Joey Marquez last Sunday sa The Buzz. With matching tears pa si Kris habang nagkukwento ng mga nangyari sa kanila ni Mayor Tsong at sinabing mahal niya si Joey habang kinakausap siya ni Boy Abunda.

Ayon kay Kris, nag-dinner sila ni Joey hoping na magkakaroon ng reconciliation, pero hindi nag-work-out dahil gusto raw ni Joey na tumigil na lang siya sa career niya.

Last week lang nag-dinner ang dalawa sa Makati kasama ang favorite cousin niyang si Rina. Dun daw nag-usap ang dalawa para ayusin pa ang lahat.

Ayon kay Kris, tanggap na niya lahat. "Three years ago, I was the one who said goodbye and marami akong pinagdaanan. This time at least ako naman ang iniwan and tanggap ko naman," she said.

In a way, tama na rin ’yung ginawa ni Kris. At least, sa kanya na mismo nanggaling. Marami kasing hindi naniniwala sa Kris-Joey relationship.

Pero may mga ilan pa ring hindi ma-imagine napuwedeng ma-in love si Kris kay Mayor Tsong na kahihiwalay lang kay Alma Moreno.

* * *

Very open si Alessandra de Rossi na ayaw niya kay Cong. Jules Ledesma na maging brother-in-law niya. In fact, siya mismo ang nagsasabi na masyadong malakas ang dating ng congressman ng Negros Occidental kaya ayaw nila rito para sa ate niyang si Assunta.

Kasama si Alessandra ni Cogie Domingo sa Pakisabi Na Lang...Mahal Kita with Judy Ann Santos.

Anyway, sinasabing ang pelikulang ito ang magiging way para mas makilala si Cogie as an actor. Although feel good movie ang Pakisabi Na Lang...Mahal Kita, maaaring ito ang magdala sa stardom kay Cogie tulad ng nangyari sa career noon nina Gabby Concepcion, Aga Muhlach, Richard Gomez and other major Regal stars na si Mother Lily Monteverde rin ang unang nagbigay ng break. Si Mother din kasi ang nakakita ng talent nila Gabby na hindi nga nagtagal ay nakilala bilang magaling na aktor. At kay Cogie niya nakita ang potential na puwedeng sundan ang footstep nila Gabby.

Three years ago nang i-launch ng Regal si Cogie via Yakapin Mo Ang Umaga, isang drama film sa direction ni Jose Javier Reyes. Nakasama niya rito sina Lorna Tolentino and Christopher de Leon. Napansin agad siya sa nasabing pelikula kaya nagsunod-sunod ang kanyang project maging sa TV.

Naging popular endorser din siya at hindi nagtagal, binigay ng GMA 7 lahat ng break sa young actor kasama na ang pelikulang Deathrow with Eddie Garcia and Joel Lamangan as director. "Lahat naman ng Regal babies na nagiging superstar, pinapayagan naming magtrabaho sa ibang company. We were never selfish because we always believed na for potential superstars like Cogie he must be given every chance to grow para ma-achieve nila ang superstardom. Their success will always be regarded as Regal’s success at the end of the day," Mother Lily averred.

Pero may mga kumukontra sa sinabi ni Mother. Dahil kahit anong suporta raw ang ibigay ng Regal at GMA 7 kay Cogie kung hindi naman niya bibigyan ng importansya, wala ring mangyayari. Maraming nagsasabi na may attitude problem siya at nagi-ecstasy daw.

Actually, during the time na ginagawa nila ni Juday ang Pakisabi Na Lang...Mahal Kita, maraming issue na kaya raw natagalan ang pagpapalabas ng pelikula ay dahil nagkaroon ng problema sa kanya. In fact, no’ng first shooting day daw nila, almost two hours late ang actor. "Okey na po kami ni Judy Ann ngayon. Nag-explain na ako sa kanya," he said in an interview.

Ngayon nga, may mga nice words ang actress kay Cogie. "Working with Cogie is a breather. Na-discover ko na he’s a nice guy, both inside and out. Tunay na tao, walang ka-plastikan," she said.

Sa pelikula, Judy Ann played the role of Geraldine, isang subtitute teacher sa isang private school kung saan nag-aaral si Gonzo (Cogie). Problem child si Gonzo, considered a pain in the neck ng lahat sa kanilang iskwelahan, from his classmates and schoolmates to his teachers. At kaya lang siya pumapasok sa school ay dahil sa influence ng kanyang father.

Isang araw, nag-announce si Gonzo na may bomb sa kanilang campus. The bomb turns out to be just a box of garbage na siya mismo ang naglagay sa may entrance ng school.

Nagalit lahat sa kanya for playing such a prank, except his girlfriend na hindi lang pasensyosa, mahal na mahal pa siya played by Alessandra de Rossi.

Hindi nagtagal naging close sina Gonzo at Geraldine kaya nagseselos na ang gf niya. Dahil din kay Geraldine, nagbago rin si Gonzo at naging ideal student. "It’s a kilig movie," sabi naman ni Direk Boots Plata. "Pure entertainment even as it inspire viewers to fall in love."

Aside from Cogie, Judy Ann and Alessandra, also in the movie are Eric Quizon, Joel Torre, Cherrie Pie Picache and KC Montero.

* * *

Now it can be said na may bankability ang Jericho Rosales-Kristine Hermosa loveteam. Ito ay matapos kumita ng almost P6 million ang Forevermore nang mag-open ito sa Metro Manila theaters last Wednesday.

Nag-start makilala ang loveteam nila sa daily soap na Pangako Sa ‘Yo.

Ang Forevermore ay inspired sa hit song ng Side A band na dinirek ni John-D. Lazatin for Star Cinema.