Back to TV si Loren!

Almost six months ding na-miss si Loren Legarda sa TV. Actually, hindi pa naman masyadong matagal, pero para sa die-hard Loren Legarda na naging habit panoorin ang senadora sa TV, matagal na ang six months.

Kaya ang good news: back-to-TV si Loren via Loren: Kabalikat Natin na magsisimula sa June 29, 7:00 p.m. sa ABS-CBN News Channel (ANC) - mapapanood every Saturday.

Kakaiba ang format ng show compared sa huling programa niyang docu-drama na Kabalikat sa ABS-CBN. This time, 45-minute weekly magazine program kung saan magpi-feature sila ng mga totoong pangyayari base sa kanilang research.

Unang episode nila ang tungkol sa batang sa edad na 14 ay nagtatrabaho na sa mining sa Paracale, Camarines Norte. Isa rito si Joseph Bosito na sumisisid sa ilalim ng minahan ng mga ilang taon na. Isa lang actually si Joseph sa daan-daang kabataan sa Paracale na nagtatrabaho sa murang edad para matulungan ang pamilya na matugunan ang pangangailangan sa araw-araw.

Na-rescue si Joseph ng local foundation ni Senator Legarda sa Labo, Camarines Norte.

Ilang taon na raw sumisisid si Joseph sa minahan kaya kung makikita n’yo siya, wala na siyang ngipin. Hindi na siya mukhang 14 years old dahil hindi na siya lumaki dahil na rin sa chemical na nakukuha niya sa paghahanap ng ginto sa ilalim ng putikan.

Hindi lang si Joseph ang planong tulungan ng programa kundi ang iba pang problema ng karaniwang mamamayan na walang sapat na kakayahang humingi ng tulong sa mga ahensiya ng pamahalaan.

Isa pa sa mission ng programa ay bigyan ng inspirasyon ang mga viewers ng mga kuwento ng mga heroic individuals and the extraordinary obstacle na kanilang napagdaanan to make a difference sa buhay ng ibang tao.

Every week, maglilibot ang programa sa iba’t ibang komunidad sa buong bansa to put a human face sa mga social issues tulad ng homelessness, child labor and illiteracy sa pamamagitan ng kuwento ng kanilang tagumpay.

Personal ding pupuntahan ni Loren ang mga makabagong bayani para ma-share nila sa manonood ang kanilang mga pinagdaanang hirap bago nila nakamit ang tagumpay. Isa itong paraan para magkaroon ng pag-asa ang ibang tao.

Nago-offer din ang programa ng grassroots interaction sa pamamagitan ng pagbibigay ng pagkakataon sa mga manonood na mag-share ng kanilang proposal para maresolba ang iba’t ibang social problems.

Ang Loren: Kabalikat Natin ay common vision ng ABS-CBN at ni Senator Loren para i-motivate ang mga mamamayan para sa kanilang mas magandang kinabukasan sa kanilang sarili, sa kanilang pamilya, sa komunidad at sa buong bansa.

Ang nasabing programa ay produced ng ABS-CBN News Channel with the support of a movement of student volunteers from different mass communication colleges in the country.

Sa nasabing programa ni Senator Legarda, marami ang nag-iisip na nagpi-prepare na siya sa 2004 Presidential Election kung saan sinasabing tatakbo siyang bise presidente ni Senator Edgardo Angara ng opposition party. Isang highly reliable source ang nagsabi na naka-set na ang mind ng senadora sa kanyang kandidatura sa pagka-VP sa 2004 Presidential Election.

*****

True kaya ang kuwento ng isang friend ko na papasok si Susan Roces sa Kung Mawawala Ka? Susunod daw ito kay Armida Siguion-Reyna na katatapos lang lumabas sa nasabing soap opera.

Pero may nagsabi naman na tinanggihan daw ng actress ang offer dahil presidente ang magiging role niya.

Well kung papasok si Susan sa nasabing soap opera, mas lalakas ang programa ng GMA 7.

*****

Isa sa inaabangang okasyon ng mga beauty and hair expert ang taunang Hair and Make up Trend na taun-taon ginaganap sa pangu-nguna ng FILHAIR COOP ni Ricky Reyes, ang organisasyon na nagbibigay ng halaga sa mga men and women na bahagi ng Filipino hair and beauty industry.

Ngayong taon ginanap ang Hair and make-Up Trends sa PICC na maituturing na hindi malilimutang selebrasyon ng mga taong may talino sa pagpapaganda.

Dinaluhan ito ng malalaking tao sa hair and beauty industry ng bansa at maging dayuhang beauty expert.

Ang ilan sa kanila ay ibinahagi ang kanilang skills at nagturo ng mga latest techniques sa paggugupit, hair styling sa pamamagitan ng seminar na isinagawa sa nasabing okasyon.

Ang Taiwanese facilitator ay nagpakita ng kakaibang galing sa paghawak ng tatlong gunting ng sabay-sabay.

Bukod sa nabanggit, naging bahagi rin ng "Hair and Make Up Trends" ang Santacruzan 2002, isang grand show ng beauty at fashion kasama ang Ms. Philippines 2001 at Ms. Philippines 2002 na nagpakita ng kanilang galing sa pagrampa, suot ang mga gawa ng mga fashion designers na sina Ariel Agasang, Rey Lazaro at Rem Divino.