LJ, gusto ring maging bida

Kung noon, pelikula ang gustong gawin ng mga artista, ngayon soap opera na dahil na rin sa limitadong pelikula. Beterano o baguhan, nag-uunahan na mabigyan ng exposure sa soap opera na kaliwa’t kanan sa ABS-CBN at GMA 7.

Dito mako-consider na masuwerte si LJ Moreno. Second choice lang siya sa Ikaw Lang ang Mamahalin, bilang kontrabida, pinupuri naman siya.

Ito rin ang pumigil sa kanya para pansamantalang kalimutan ang pagbalik sa Amerika para doon na lang manirahan.

Pero ayaw ma-typecast ni LJ bilang kontrabida. Umaasa pa rin siya na isa sa mga araw na ito ay magkakaroon siya ng pagkakataong maging bida, sa pelikula o telebisyon man.