Mga kabalbalan nina Kevin at Perry

Sundan natin ang mga nagbibinatang sina Kevin at Perry sa kanilang pagnanais na magkaroon ng unang karanasan sa sex at maging sikat na DJ mix masters sa pinakamainit at pinakakuwelang video release ng C-Interactive Digital Entertainment sa second quarter ng 2002. Pinamagatang Kevin and Perry Go Large, ito ay pinangungunahan ng komedyante ng UK na si Harry Enfield at Ryhs Ifans na nakilala sa Notting Hill. Ang pelikula’y maituturing na European version ng American Pie ng Hollywood.

Alam ng dalawang binatilyo na may isang lugar na kung saan ang mga DJ ay tinitingala at kinalolokohan ng mga chicks. Nang handa na ang kanilang mga gamit na kinabibilangan ng isang suitcase ng condoms, sila’y nagbiyahe na. Ang problema, sumama ang mga magulang ni Kevin. Matupad kaya nina Kevin at Perry ang kanilang pangarap na maging DJs at maka-" time" sa mga babae? Ang kasagutan dito’y higit pa sa inaasahang kabalbalan ng mga Kanong tinedyer na naghahangad ding makakain ng kanilang "first pie".