Troy is not the marrying kind

Sa kanyang gulang na 30, dapat ay nag-iisip nang mag-asawa si Troy Montero. Sa halip, sinabi niya during the presscon of Super B na kung saan ay gumaganap siya ng role ng isang newspaper photographer na ayaw pansinin ang pang-aakit na ginagawa sa kanya ni (Rufa Mae Quinto). Pinansin lamang niya ito nang magkaroon ito ng super power at maging Super B.

Okay na kay Troy yung magkaroon ng fling at makipagkaibigan sa mga babae (like Pops Fernandez and Kris Aquino na itinuturing niya na malalapit na kaibigan) pero ang pag-aasawa ay hindi pa pumapasok sa isip niya.

Nag-try na siyang makipag-relasyon pero, hindi sila nagtagal ni Nikki Valdez.

Sinabi niya na talagang close sila ni Pops at marami itong naging impluwensya sa buhay niya. " I go to her for advice, even about personal problems. She’s so smart and she has nice things to say even about girls," sey ng American boy na hanggang ngayon ay limitado pa rin ang kaalaman sa Tagalog na siyang dahilan kung bakit hindi gaanong umaangat ang kanyang career bilang aktor.

He’s concentrating on his album na aniya ay Ricky Martin type minus the Latin. It has 10 songs composed of party songs and ballads.

He has been offered bold movies before pero, hindi niya tinanggap. He’d rather leave the baring to the girls pero, save for Rufa’s sexy costume, Super B is aiming for a GP rating.

"It’s a comedy movie with a lot of flying. Rufa is very sexy and funny, too. We’re like old friends. She made working a lot easier," sey niya sa kanyang co-star.

*****

Dahil hindi aktibo ang kanyang ate na si Tina Paner sa kanyang singing, ang nakakabatang si Danita Paner ang nagtatayo ng bandila para hindi makalimutan ng madla na magagaling na singer ang mga Paner.

Labingtatlong taong gulang na si Danita at nasa unang taon sa high school sa OB Montessori Greenhills.

May nakatakdang concert si Danita sa Rigodon Ballroom ng Manila Pen sa Mayo 26 na pinamagatang Dazzle. Makakasama niya sina Jun Polistico, Dulce, Marissa Sanchez at ang beauty queen na si Maricar Tolosa.

Magkatulong na direktor sina Nestor Cuartero at Angie Magbanua.

*****

Samantala, isang libreng palabas naman ang handog ni Alma Moreno sa kanyang mga kababayan sa Parañaque bilang pagdiriwang ng kanyang kaarawan bukas, Mayo 24, 8:00 ng gabi. Gaganapin ito sa Area 4, Baclaran Brgy. Hall.

Very touching ang mensahe ni Alma sa kanyang mga kababayan: "Your tireless support in all my projects has made me stronger and made the road to recovery an easy one. Please join me as I celebrate another year and thank you for always being there for me."

Ang show na ididirihe ni Andrew de Real ay magtatampok sa Salbakuta, Francis M., Kyla,Tiya Pusit, Philip Lazaro at ang grupo ni Alma na kinabibilangan nina Raffy Chan at ang Kitkats. Inaasahan din ang pagdalo nina Victor Neri at Jay Manalo na mga co-stars niya sa Kapalit ng JAGGS Entertainment, Kaye Abad at Carlos Agassi na kasama naman niya sa Sa Dulo Ng Walang Hanggan. Darating din ang mga kaibigan niya sa showbiz at ang mga anak niyang sina Mark Anthony, Yeoj, WinWin, VJ at MM.

Patuloy pa rin ang mga proyekto niya sa Parañaque gaya ng Libre Libing Foundation at Samahan Ng Mga Kababaihan Sa Parañaque.