Bakla ang sikat na dramatic actor

Marami ang ayaw maniwala na bakla ang sikat na dramatic actor. May asawa ito at anak. Pero, marami ang nakakita dito noong pumunta ito ng Baguio na may kasamang call boy. Sa isang bahay bakasyunan sila tumuloy na malayo sa siyudad. Ang pagkakamali nila hindi sila nagsara ng bintana kaya nakita ang ginagawa nila sa loob.

Hiwalay na ang aktor sa kanyang asawa at abala sa telebisyon. Magaling na bida ito at kontrabida.

Jay, Nai-In Love Kay Ness?

Balitang sweet na sweet sina Jay Manalo at Alma Moreno sa syuting ng Hanggang Kailan… Kapalit? Hindi naman itinatanggi ng aktor na noon pa man ay tagahanga siya nito at type niya ang kaseksihan at kagandahan ng aktres. Kahit may edad na raw ito ay mukha pa rin itong bata at puwede pa silang mapagkamalang magnobyo. At hindi ipinagkakaila ni Jay at posibleng ma-in love siya rito. Katunayan, noon pa ay sinasabi nito na mas type niya ang mas may edad sa kanya.

Freshmen Band, Hataw Ang Carrier Single

Nakalabas na ngayon sa market ang debut album ng Freshmen Band sa Star Records. Madalas mapakinggan sa mga FM at AM stations ang carrier single na ‘‘Pokpok’’ na may magandang mensahe kaya tinitiyak na hahataw ito sa recording chart. Kapag may performance ang guwapong mga miyembro ay ito ang hinihiling sa kanila ng mga tao lalo na ng mga kabataan. Inaasahan na magiging gold record ito sa sandaling panahon.

Marami nang tagahanga ang grupo dahil may kanya-kanyang magagandang katangian sina Trician Andres (keyboardist) Daziel Ledda (drummer) Walton Zerrudo at Roel Aldana (vocalists), Edward dela Cruz (lead guitarist) at Jerome Raymundo (bass guitarist).

Daboy-Jeffrey, Parang Isang Pamilya

Magkasama sa sitcom na pinamagatang Daboy En Da Girl sina Rudy Fernandez at Jeffrey Quizon. Maganda ang samahan ng dalawa, para silang isang pamilya. May kaugnayan sa dalawa ang magkapatid na sina Vandolph Quizon at Mark Anthony Fernandez.

Naikuwento nga pala ni Jeffrey na noong nakaraang kaarawan ni Vandolph ay nagtungo ito sa puntod ng namayapang nobya para dalawin ito dahil lagi pa rin niya itong naaalala.

Beth, Marcus, May Mamuo Kayang Relasyon?

Kahit may edad na si Elizebeth Oropesa ay seksing-seksi pa rin ito at nakakahalina ang alindog. Kaya nga kahit malaki ang agwat ng edad ay na-in love sa kanya si Danny Ramos.

Ngayon naman ay inili-link siya kay Marcus Madrigal na lover niya sa teleserye na Sana ay Ikaw Na Nga. Minsan nga raw kapag may eksena ang dalawa at napatitig nang matagal ang La Oropesa kay Marcus at parang mawawala ito sa sarili. Napaka-expressive kasi ng mga mata ng aktres!