"Mas magaling si Jericho sa akin" - Dingdong Dantes

Bagaman at flattered si Dingdong Dantes na matawag na "Drama Prince," ayaw niyang seryosohin ang titulo at baka raw may masagasaan siya. Of course, he was referring to Jericho Rosales na may ganito ring titulo. Pero, tanggap niya na magka-level sila. Parehong bagets, may bumi-build up na malaking istasyon ng telebisyon at magkaparehong star ng dalawang popular na serye sa TV.

"Mas magaling sa akin si Jericho at bilib ako sa kanya," ani Dingdong during the solo presscon na ibinigay sa kanya ng Viva Films para sa first team-up movie nila ni Judy Ann Santos, ang Akala Mo. Mauuna ito sa Magkapatid, na kung saan ay magkapareha silang muli, kasama sina Sharon Cuneta at Christopher de Leon. "Pero, hindi mahalaga sa akin ang titulo. Hindi ako naniniwala dito," dagdag pa niya.

Tinatanggap niyang blessing ang makasama si Judy Ann sa isang pelikula. "Hindi pa nga naipapalabas yung movie namin, mayro’n na kaming fans club. Matagal na kaming magkasama ni Tanya (Garcia) pero wala pa kaming fans club na magkasama," patuloy niya.

Nagkaroon din sila ng fans club ni Antoinette Taus pero, untiunti nang nababawasan ang mga myembro since hindi na regular ang pagsasama nila sa movie. Marami ang nagsasabi na baka nga mabuwag na ito matapos niyang aminin na wala na sila nito.

Very open siya sa pagsasabi na napakalaki ng possibility na magkaroon sila ng atraksyon ni Judy Ann sa isa’t isa. "In making Akala Mo with her, I got to see a different side of her. Sa umpisa, medyo nagkakailangan kami pero, habang tumatagal, naging okey na kami."

Akala Mo is the first movie directorial job of 26 year old Lyle Sacris, who has distinguished himself as a director of music videos and commercials. His best known work is the music video of Kyla’s hit, "Hanggang Ngayon" which won top honors in the MTV Pilipinas and MTV Asia Viewer’s Choice Awards. He has directed music videos for alternative bands Slapshock and Chico Science. Ngayon pa lamang ay naghahanda na itong mag-shooting ng kanyang susunod na movie sa Viva na siya rin ang gumawa ng script. Isa itong dark comedy na ibang-iba sa Akala Mo.

*****

Hindi lamang si Bong Revilla ang naghahangad na maibalik ang pagtangkilik ng mga manonood sa action movies via his movie, ang Kilabot at Kembot na unang pelikula ng katatatag nilang Seven Stars sa ilalim ng bandila ng Imus Productions. May ganito ring layunin si Rudy Fernandez na muling aktibo sa paggawa ng pelikula. Katunayan, may lahok siyang pelikula para sa Manila Film Festival, ang Diskarte na nasa ilalim ng direksyon ni Edgardo Boy Vinarao. At kung si Bong ay may Assunta de Rossi si Ara Mina ang leading lady ni Daboy sa Diskarte ng Maverick Films na siyang naging dahilan para umurong si Bong na isumite ang kanyang pelikula para hindi na sila magkaroon pa ng conflict ng kanyang kaibigan sa pilian.

Isang nightclub dancer si Ara Mina na umibig sa isang hijacker na mayroong makulay na nakaraan at may misyon na sugpuin ang mga drug dealers.

Kasama nila sa pelikula sina Tirso Cruz lll, Roy Alvarez, Menggie Cobarrubias, Jonee Gamboa, Emilio Garcia, John Arcilla, Alvin Anson, Karen Montelibano, Archie Adamos at may ispesyal na partisipasyon si Viktoria.

*****

Isa ako sa natutuwa na kumita ng malaki ang Videoke King nina Robin Padilla at Pops Fernandez. Sa dami ng intriga na ibinabato kay Pops at sa diumano ay pagkagalit ng mga fans nina Piolo at Juday sa kanya dahil sa diumano ay "pang-aagaw" niya sa aktor kay Juday at sa banta nila na ibo-boycott ang kanyang movie, I’m sure nakahinga si Pops nang maluwag sa naging resulta ng Videoke King. Napatunayan niya na hindi pala totoong malamig ang mga moviegoers sa kanya – na ang hanap lamang ng manonood ay isang kasiya-siyang pelikula.

Congrats Pops, and Robin and Jerry Sineneng, too.