Tonton, Glydel sinugalan ng World Arts Film

Hindi inintindi ng World Arts Film producer na si Jojo Galang ang intrigang mahihirapan siyang kumbinsihin ang manonood sa tambalang Glydel Mercado at Tonton Gutierrez sa kanyang movie na Sana, Totoo Na. Malakas ang fighting spirit ng producer na puwede na ang dalawa.

"Mahilig ako mag-experiment. Maganda naman ang istorya ko at dinirek ni Arman Reyes. Kasama pa si Pyar Mirasol na naging dahilan naman para magselos si Glydel. Katunayan, si Glydel ang humiga sa bath tub na ginamit sa poster ng pelikula hindi si Pyar."

Kahit si Pyar ang contract star ng World Arts Film walang pumalag dahil si Glydel ang sweetheart ni Tonton in real life. Si Pyar ang naging girlfriend ni Joseph Baltazar. Tampok din sina Allen Dizon at Rita Magdalena. — Vir Gonzales