Utol ni Robin, di pa nakikita!

Norma Japitana, Cesar Montano’s manager denies the rumor na nag-increase ng talent fee ang alaga niya. "Hindi totoo ‘yun. Hindi ko nga alam kung saan nila kinukuha ‘yung mga lumalabas na issue na nagtaas ng talent fee si Buboy (referring to Cesar)," Ms. Japitana averred.

Ayon sa usap-usapan, ‘yun daw ang naging dahilan kaya walang gustong kumuha sa actor after ng Bagong Buwan plus the fact daw na hindi nagustuhan ng mga taga-industriya particular na ng mga producer ang ginawa niya sa awards night ng Metro Manila Film Festival.

Ayon kay Tita Norma, naka-concentrate ngayon si Cesar sa kanilang farm sa Bulacan.

*****

"Kapatid ko talaga ‘yun," confirmed Robin Padilla tungkol sa sinasabing half-brother niyang nakidnap last week sa Nueva Ecija. "Pero wala pa kaming natatanggap na kahit tawag, so nag-aalala na kami," he added sa isang informal presscon for his latest movie, Hari ng Selda (Baby Ama 2). "Actually, lumalabas din siya sa pelikula ko. Kasama rin namin siya sa Puwedeng, Puwede noon," he added.

Nang lumabas ang balita tungkol sa kidnapping incident ni Gino Padilla, ang picture ng singer na cousin niya na kapangalan ng half-brother niya ang naglabasan sa mga newspaper. Nag-explain si Gino (his cousin) na kapangalan niya ang nakidnap.

Worried na si Robin kung nasaan ngayon ang half-brother na kino-consider niya na ring tunay na kapatid. "Sa Muslim kasi, wala namang ganoon. Basta lahat kami magkakapatid," he said.

May ilang information na siyang nakuha pero wala pa ring linaw kung nasaan talaga ito ngayon.

Anyway, tungkol naman sa issue sa kanila ni Aga Muhlach as box-office king ng Guillermo Memorial Scholarship Foundation Inc., very positive ang naging reaction ni Robin sa nangyari. "Ang importante, may nanalo. Okey lang sa akin ‘yun," he said. Name kasi ni Robin ang unang lumabas sa supposedly ‘official list’ ng GMSFI na box office king. Hindi naman siya na-hurt sa ginawa ng GMSFI.

In any case, tinapos na rin ni Robin ang matagal nang speculation na gusto niyang pumasok sa pulitika. "Wala akong kabalak-balak sa pulitika. Hindi na uli pumasok sa isip ko na pumasok sa pulitika. Masaya na ako sa buhay ko ngayon at ayoko na uling magulo," he added. Nag-attempt na kasi ang action star na mag-pulitiko pero hindi siya pinalad na manalo.

Marami kasing nagsasabi na isa si Robin sa tatakbong senador sa 2004 presidential election dahil malaki ang chance niya.

Iba na ang priority ni Robin ngayon. Mas nai-excite siyang kausapin ang mga anak niyang nasa Australia over the phone with his wife Liesel na kakaalis lang ng bansa a month ago. "Nami-miss ko talaga sila. Pero ganito talaga ang buhay."

At any rate, na-move sa March 30, Black Saturday ang showing ng movie nila ni Angelika dela Cruz. Nire-edit daw kasi ang buong pelikula kaya na-delay nang na-delay. May mga ilang eksena na kailangang tanggalin at ibalik.

Ito bale ang comeback movie ni Direk Deo Fajardo, mentor ni Robin after ng ilang taong pamamahinga. Pero may ilang taong nang-iintriga sa kanila na kesyo nagi-emote si Direk Fajardo dahil practically daw, si Robin ang nag-direk ng pelikula. "Sinabi niya ba ‘yun? Wala kaming pinag-usapan tungkol d’yan. Wala rin siyang sinasabi sa akin," Robin said. Basta ang inaamin niya, tumulong siya sa pagdi-direk particular na sa action scene nila. Pero hindi nangangahulugan na nakialam siya kay Direk.

At any rate, maraming fight scene si Robin sa movie with some daring scenes kasama si Angelika.

*****

Marami nang excited sa nude painting exhibit sa Padi’s MINDAVE sa March 21, Thursday. Kasama sa nasabing exhibit ang nude painting ni Ara Mina, Pyar Mirasol, Ynez Veneracion, Gloria Diaz among others.

*****

Full packed ang concert ni Jim Brickman sa PICC kagabi - Simple Things Live In Manila. Naging guest niya si Sharon Cuneta with Joey Generoso, lead vocalist ng premiere band na Side A.

Nag-render si Sharon ng six songs including "Where’s The Good in Goodbye" which was penned by Brickman specifically for Sharon sa kanyang new album na All I Ever Want.

Personal choice ni Brickman si Sharon and Joey na makasama sa show. Sa isang statement, sinabi ng international artist, musician, composer ang piano virtuoso na marami na siyang naririnig tungkol sa dalawa.

Kung na-miss n’yo last night, puwede pa kayong manood tonight.8:00 p.m. ang showtime.

*****

Salve V. Asis’ e-mail - [email protected]/[email protected]