Libreng entrance sa Padi's

Kung ang Germany ay may "Octoberfest," nais din ng Padi’s MINDAVE sa Mindanao Avenue kanto ng Congressional Ave., Quezon City na magkaroon ng "Summer Beerfest" ang Pilipinas.

Sa buong buwan ng Marso, magagaling na mga banda ang tutugtog sa Padi’s MINDAVE na libre ang entrance tulad ng Kaktooz ngayong Lunes, SPI sa Martes, Symposium sa Miyerkules, Red Band sa Huwebes at dalawang banda bawat Biyernes at Sabado.

Sa pagdiriwang ng "Summer Beerfest," may concert ang K 24 with Shar ng Viva Records at Villanueva Sisters sa Marso 15 (Biyernes) at Alamid ng Warner Music at Love Child sa Marso 16 (Sabado) sa Padi’s MINDAVE. Tuloy ang Mr. & Ms. Superbody Bikini Competition bawat Huwebes, magkakaroon ng Nude Painting Exhibit ang Star Samson Foundation sa Marso 19, at may free concert ang 10 banda sa Marso 24, 1st anniversary ng Padi’s MINDAVE.

Para sa detalye, tumawag sa 7229981, 4530080 o mag-text 0917-8135916.