Tita Muñoz, nagtatampo sa mga pamangkin

Matapos ang ilang panahon na hindi pagharap sa kamera, mapapanood na naman ang de-kalibreng pagganap ng premyadong aktres na si Tita Muñoz sa teleserye ng GMA na pinamagatang Sana Ay Ikaw Na Nga.

"I was just resting, bidding my time when I got a call from GMA asking me if I wanted to appear in one of their telenovelas. I readily said yes. Ito ang matagal ko nang hinihintay, ang makalabas muli at maka-arte. In fact, I asked the Lord for this break," anang napakaganda pa ring aktres na hindi naman napuruhan ng kanyang naging sakit. Ang tanging tagapag-pagunita nito ay ang paggamit niya ng tungkod sa kanyang paglalakad. But other than this, Tita Muñoz appears hale and hearty and as lovely.

Ms. Muñoz appears as the rich mother of Eric Quizon na muling magpapaganda kay Cecilia (played by Tanya Garcia) in the early evening soap, also topbilled by Dingdong Dantes, Angelu de Leon, Bobby Andrews and a host of top calibre actors (Tirso Cruz III, Elizabeth Oropesa, Jaclyn Jose, Chinggoy Alonso) and a lot more.

Tita is aunt to popular matinee idols Leandro and Carlo Muñoz. Kapatid siya ng tatay nila. She is specially fond of Leandro na aniya ay "Cute na cute nung maliit."

Malaki ang tampo niya sa magkapatid dahilan sa hindi nila siya nadadalaw simula nung magkasakit siya.

Inaasahan niya na ang paglabas niya sa Sana Ay Ikaw Na Nga ay magsimula ng pagdating pa ng maraming roles.

*****

Yung mga addicts sa cellphone, para sa inyo ’to. Magkakaroon ng exhibit ang Globe Handy Phone sa Fiesta World Mall sa Lipa, Batangas from March 1 to 15. Magaganap ito sa 2nd flr. ng Bldg. C mall. Go na kayo for the latest phone accessories and services.

Kasabay nito ang graduation mall-wide sale. May malalaking discounts para sa graduating students, hanggang 70%. Tumawag sa 3710341 to 43 para sa ibang detalye.

*****

Hindi kukulangin sa dalawang libong miyembro kasama ang kanilang pamilya ang dadalo sa pagdiriwang ng ika-28th anibersaryo ng Mowelfund na magaganap sa Mowelfund Plaza bukas, Marso 9 na magsisimula sa ika-8:30 n.u. sa pamamagitan ng isang Banal na Misa.

Katulad ng mga nakaraang anibersaryo, magkakaroon ng family day, free clinic at pinaka-highlight na ang bingo social na kung saan hindi lamang kasiyahan ang madarama ng mga miyembro kundi maaari pa rin silang manalo ng mga mahahalagang premyo sa nasabing laro.

Ang Mowelfund Plaza ay nasa #66 Rosario Drive cor. Ilang-Ilang St., Cubao, Quezon City.