P30,000 ang monthly phone bills ni Paolo

Okey pa rin ang relationship nina Paolo Contis and Desiree del Valle kahit nasa States na ang huli. Pero once a week na lang sila kung mag-usap over the phone.

And once naman na mag-usap sila, inaabot ng eight hours. Yes folks, okey lang kay Paolo kahit abutin ng P30,000 ang telephone bill niya monthly - separate pa sa bill ng cellphone niya.

"Nasanay na kasi kaming mag-usap ng matagal. During the time na nandito pa siya, inaabot kami ng 12 hours sa telepono. Kinakantahan kasi niya ako bago matulog. Pag-antok na antok na ako, kakantahan na niya ako, pag humilik na ako, saka lang niya papatayin ang phone," he recalled after the presscon of Klasmeyts, ABS-CBN’s new gag show. Sa cellphone pa ‘yun dahil wala raw landline sa kuwarto si Desiree.

Since nasa California na ang actress, hindi na nila puwedeng gawin ‘yun dahil malaki talaga ang binabayaran niyang phone bill kahit na nga once a week lang silang mag-usap. "Gusto ko ngang bilhan na lang siya ng computer para e-mail na lang. Pero hindi kasi siya marunong mag-operate ng computer kaya hindi puwede."

Nang umalis ng bansa si Desiree, may understanding sila na magiging open muna ang relationship nila. Open as in puwedeng mag-entertain ng suitors si Dess and vice versa. "Ayoko kasing higpitan siya dahil malayo naman siya. Ngayon kahit flowers lang ang pinapadala sa kanya (Dess) sinasabi niya sa akin." Sa part naman ni Paolo, may non-showbiz girl siyang dini-date once in a while.

Actually, nakikipag-split si Paolo bago ito umalis, pero ayaw daw pumayag ni Desiree.

And for the nth time, Paolo denied the rumor na kaya umalis ng bansa si Dess ay dahil preggy ito. "Aalis nga ako sa April, tamang-tama, sasabihin nila manganganak na kaya ako pupunta. Mang-aasar lang ako kaya ako aalis.

"Ganoon naman eh. Hayaan natin silang mag-tsismis. Saka marami nang nakakita sa kanya sa States since nagpunta siya ro’n at nakita nilang hindi buntis," he explained.

Si Dess ngayon ang nag-aalaga sa 72 years old father niya na maysakit. Pero may plano raw itong mag-enroll.

In any case, ika-third show na ni Paolo ang Klasmeyts with Herbert Bautista, Bayani Agbayani, Kempee de Leon and Michael Flores na nag-start mapanood last night, 9:30 p.m. over ABS-CBN.

*****

Speaking of Herbert, satisfy siya sa nangyayari sa career niya ngayon. Aside from Mary D’ Potter, kasama rin siya sa Klasmeyts.

Pero hindi naman siya nahihirapang pagsabayin ang showbiz career at pagiging vice mayor ng Quezon City. "Okey kay Mayor Belmonte na mag-showbiz ako. Pero siyempre, priority ko pa rin ang pagiging public servant," he said. Pero wala muna sa plano ni Herbert na gumawa ng pelikula. Sa TV lang muna siya dahil priority niya ang PhD in Public Administration na kinukuha niya ngayon sa UP.

Anyway last Sunday night, kasama niya lahat ng kapatid niya with their mom and dad sa Adriatico. Nag-treat sila ng isang relative na balikbayan.

One happy family sila - kasama si Hero na dati ring nag-artista. Huling dumating si Harlene kasama si Romnick Sarmienta. Maganda ang katawan ngayon ni Harlene. Payat siya. Joke nga ni Herbert dahil sa Vagina Monoloques. Galing sa rehearsal si Harlene that night.

The following day, Monday nagkaroon ng presscon ang Klasmeyts at doon nakuwento ni Herbert na nagpa-plano rin siyang magpasal. Pero hindi pa ngayon.

At any rate, Klasmeyts has everything, from gags to funny song parodies and commercial spoofs. The group will even show you the funny side of news and current affairs shows, action blockbusters, popular foreign shows and top teleseryes all in an effort to make audience laugh at their silly antics.

*****

Narito ang isang e-mail from Isabel Garido ([email protected]):

Dear Salve,

Ano na ang nangyari sa kaso ni Ms.Nida Blanca? Another unsolved crime ala-Bubby Dacer. Puro lang pala yabang si Wycoco at Diaz ng NBI, na marami silang ebidensiya at may breakthrough na sa kaso. Panay ang pa-press release. Akala ko ba madidiin nila si Rod Strunk, baka naman inaayos pa ang script para si Strunk ang iturong mastermind/killer para lang ma-solve na ang kaso.

Kawawa naman si Ms.Nida Blanca. Napanood ko siya sa Kung Ikaw ay Isang Panaginip ni Jolina, parang may kumurot sa puso ko. Napanood ko rin ang replay ng John and Marsha sa Channel 9. Nami-miss ko siya.

Dasal ko pa rin, makakuha ng katarungan ang ginawa sa kanya. Makunsensiya sana ang salarin at sumuko na.

*****

Base sa observation ng isang reader na si Conrado Santos ([email protected]), napapansin niyang oras na maging kontrobersiya ang paghihiwalay ng isang mag-asawa, nagiging daan pa ‘yun para makabalik sila sa showbiz. Ganito raw ang nangyari kina Alma Moreno at Regine Tolentino na ngayon ay dinadagsa ng offer dahil sa kontrobersiya ng pakikipag-hiwalay nila. Ito na raw ba ang bagong uso sa showbiz?

*****

Salve V. Asis’ e-mail - sva@i-next/[email protected]