May namumuong romansa kina Ricci at Michael

Si Michael Flores mismo ang umamin, during the presscon of Klasmeyts, ang pinaka-bagong gag show ng ABS-CBN na nagsimulang mapanood nung Miyerkules, pagkatapos ng Whattamen, na mayroon namumuong relasyon sa kanilang dalawa ng dating Bb. Pilipinas Universe Nina Ricci Alagao.

"Actually, wala pa kami sa relationship stage, papunta pa lang dun," anang aktor who said na nagkakilala silang dalawa nang magkasabay silang mag-guest sa Partners: Mel & Jay. "Nasundan pa ito ng Eezy Dancing. I got her telephone number. Nagtawagan kami at dun na nagsimula ang lahat," kwento niya.

After Pintados, hindi na nagkaroon pa ng show sa GMA si Mike. It is no wonder na may tampo siyang nadarama sa nasabing network. "Nang magtanong naman ako sa kanila, I was told na naghahanap sila ng tamang projects for me. Pero, nag-start na yung mga soaps. Still, I waited pero, nalungkot ako when I waited in vain. Nevertheless, I am grateful to GMA for their support," dagdag pa niya.

Klasmeyts will showcase his comic talent together with Herbert Bautista, Bayani Agbayani, Paolo Contis and Keempee de Leon.

*****

Sinabi naman ni QC Vice Mayor Herbert Bautista na nakatakda niyang i-legitimize ang kanyang relasyon sa kanyang current girlfriend. Meaning, magpapakasal na sila pero, kung kailan ito ay hindi niya tiniyak. Sapat nang sabihin niya na hindi na ito matatagalan.

Bagaman at kinuha siya sa bagong show ng ABS-CBN bilang komedyante, sinabi niya na may limitasyon ang mga gagawin niya para hindi naman malagay sa alanganin ang kanyang posisyon bilang ikalawang pinuno ng Lungsod ng Quezon.

He is currently taking his doctorate in economic development. Dahilan sa kanyang kaabalahan sa kanyang mga gawain, malamang sa year 2004 pa niya matapos ito. "Hindi ko talaga kabisado ito. Kaya nga pinag-aaralan ko para kapag kinakailangan ay mayroon akong mapaghugutan ng kaalaman," aniya.

*****

Nakapili na ng mga kandidato ang Bb. Pilipinas Charities, Inc. for this year’s Bb. Pilipinas search.

This year’s competition will have 25 pretty, young ladies coming from all over the country vying for the three major titles at stake: Bb. Pilipinas- Universe, Bb. Pilipinas-World at Bb. Pilipinas-International.

Ang 2002 Bb. Pilipinas beauty pageant ay magkakaroon ng final night sa Marso 16, 9:00 n.g. sa Araneta Coliseum. Mapapanood ito ng live sa GMA.

Ang mga napiling kandidato ay sina: Sandra Rebancos, Feilani Bennett, Athena Claveria, Lakambini Alto, Kristine Alzar, Kathleen Lloyd Cawan, Elaine Andes, Sheila Alonso, Sherlyn Ram, Mary Hyacinth Zalamea, Jazel Manalac, Sherilene Parcon, Gilmarie Lourdes Pacamarra, Kathrine Aban, Margaret-Ann Bayot, Heidi Punsalan, Katherine Ann Manalo, Anna Teresita Lopez, Karen Loren Agustin, Ma. Lourdes Magno, Mary Ann Samiado,Nuriza Abeja, Jeanne Harn, Ma. Criselda Osorio at Melanie Abigail Capati.