Claudine, Rico walang takot sumabay kay FPJ ?

Sabi nga ni Claudine Barretto sa isa sa mga interviews niya para sa kanilang pelikula ni Rico Yan na Got 2 Believe, wala sa kapangyarihan nilang mga artista ang pagpapalabas ng kanilang mga pelikula. Nasa kamay ito ng kanilang producer, sa kaso ng Got 2 Believe, sa Star Cinema who is producing an Olive M. Lamasan feel good romance.

Matagal-tagal na rin silang hindi nakikita sa big screen matapos ang Dahil Mahal Na Mahal Kita. Ngayon ay ibinabalik ng Star Cinema ang kanilang tambalan sa big screen.

Tungkol sa magkaaway na mortal na isang wedding planner (Claudine) at isang sikat na potograpo (Rico) na hindi maiwasang mag-krus ang landas dahilan sa kanilang trabaho.

"It’s a fun role, a big relief from doing all those soap," ani Claudine.

"I happen to love photography, kaya nakaka-identify ako sa aking character," sabi naman ni Rico.

Samantala, sinabi naman ni Fernando Poe, Jr. after the preview of Batas ng Lansangan na iba ang tema ng kanyang movie sa pelikula nina Claudine at Rico. Magkatapat man daw ang mga ito ay hindi magiging magkalaban for the reason mentioned. Malaki ang paghanga niya sa dalawang kabataang stars na pareho nang lumapit sa kanya para magpakilala na para bang hindi sila mga sikat na artista.