Gary V, nasa Fort

Matapos ang matagumpay niyang New Year countdown sa Bonifacio Global City, babalik dito si Gary Valenciano sa pamamagitan ng isang two-night Valentine show sa Peb. 14 at 15 na pinamagatang One 2 One.

Sisimulan ang palabas sa NBC Tent, Bonifacio Global City sa ika-9:00 n.g. tampok bilang panauhin sina Kyla (Peb. 15 only), Mary Ann Casal-Soriano, Melissa Fontano,The Powerplay Band, Jamie Rivera. Musical director si Mon Faustino. Ang discovery ng Genesis na si Pam G ang magbubukas ng show.

Ang One 2 One ay kuha sa bagong album ni Gary V na ilalabas ng Viva Records.

Bilang highlight ng show, magpapa-raffle ang Sennheiser ng dalawang Sennheiser Gary V Limited microphones sa isang maswerteng audience bawat araw.

Ang tiket sa palabas na nagkakahalaga ng P2,500 (para sa dalawa with reserved seating) ay mabibili sa Ticketworld outlets, National Bookstores, Tower Records, Robinson’s, Music Museum, Manila Genesis Entertainment & Management, Inc. at Wordcom.