'Hindi ako retokada'

Maraming nagtaasan ng kilay nang ipakilala ng Leo Films ang bagong contract star nila na si Monina Perez. Syempre, hindi maiiwasang intrigahin at sabihang nakikisakay lang siya sa kasikatan ni Halina Perez.

Si Halina kasi ay contract star ng Leo Films at pattern na pattern ang pangalan ni Monina kay Halina na parehong Perez pa ang apelyido. Tatlong letra lang ang pinagkaiba nila sa pangalan.

Of course, hindi maiiwasang masabihan ni Monina na simula na ito ng paggagamit niya sa "Halina ng Bayan".

"Hindi po mangyayari yun," ligtas na pahayag ni Monina.

"Ang producer po namin ang nagbigay sa akin ng pangalan. Wala po akong intensiyon na gamitin siya," ang sabi pa niya.

Sumikat at nagkapangalan ni Halina Perez sa kuwadra ng Leo Films. Naging maganda ang pagtanggap sa kanya ng publiko. Siya nga ang "Halina ng Bayan" ng mga kalalakihan. May panlaban kaya si Monina?

"Ang sabi po ng mga kaibigan ko, gustung-gusto nila yung mukha ko dahil maamo raw. Natural lahat lalo na ang mga boobs ko, na malaki talaga," pahayag pa ni Monina na parehong-pareho ni Alma Moreno noong nagsisimula pa.

Samantala, isa sa mga bida si Monina Perez sa pelikulang Hinog sa Pilit, Sobra sa Tamis. Kabituin niya ang sexy star na si Halina Perez.