Nagwagi sa paghuhubad si Assunta!

Isang magandang career movie yung ginawang paghuhubad ni Assunta de Rossi. Pagkatapos ng matagumpay na launch niya sa Red Diaries na sinundan ng napaka-kontrobersyal na Sisid, matatapos na niya ang Hubog sa ilalim ng direksyon ni Joel Lamangan na itinuturing siyang isang mahusay na young actress. Katunayan ay panay ang papuri nito sa kanya at ito ay tahasan niyang sinabi sa press na dumalaw sa kanilang åshooting. Ang Hubog ay official entry ng Regal Films sa Metro Manila Filmfest na nagtatampok din sa kanyang kapatid na si Alessandra de Rossi. Mapapanood din si Assunta regularly sa tatlong palabas ng GMA 7, ang Bubble Gang, Beh Bote Nga at Sa Dako Pa Roon. Isa rin siyang finalist sa Singapore’s Asian Television Award para sa Best Actress category para sa performance niya sa episode na "Elena Madlang-awa" sa Larawan ng GMA.

Ngayon naman ay kinuha siyang Calendar Girl 2002 ng babasahing FHM sa isang fourteen month calendar na nagtatampok sa kanya in all her revealing glory. Inilagay siya sa lahat ng buwan sa buong sangtaon, sa pinaka-bago at pinaka-daring na larawan na kuha sa kanya ng sikat na potograpo ng nasabing babasahin na si Xander Angeles.

Mabibili na ang kalendaryo sa mga newstands. Pwede rin kayong umorder ng kopya sa www.bidshot. com, libre ang delivery nito sa Metro Manila.

*****

May bagong music video ang Rivermaya para sa kanilang single na "Umaaraw, Umuulan" na mapapanood sa MTV bukas, Nob. 2, 5:00 n.h., may replay sa Nob. 3, 12 n.t., Nob. 6, 7:30 n.g. at Nob. 9, 9:00 n.g.

Muling nagbigay ng isang powerpacked performance ang Rivermaya sa isang artificial oasis na nasa isang disyerto. Makikita rito sina Rico Blanco, frontman/songsmith; Mike Elgar, Kakol Legaspi, guitars; Japs Sergio, bass at Mark Escueta, drums.

Ang Rivermaya at ang crew na kumuha ng MTV sa direksyon ni Lyle Sacris ay inabot ng tatlong araw para makunan ito nang walang gamit na special effects.

Ang tema ng single ay isang pag-uulit ng tema ng buong album na pinamagatang "Tuloy ang Ligaya" na nabibili na sa record bars, simula nung Okt. 24.

*****

Isa si Darlene Carbungco, Mutya ng Pilipinas, sa pinaka-maliit na kandidata sa gaganaping 2001 Miss Asia-Pacific Quest sa Nobyembre 10, 9:00 n.g. sa NBC Tent Fort Bonifacio Global City. May taas lamang siyang 5'4", 1/2 inch shorter than Misses Honduras (Marcela Rubi) at Japan (Naomi Numata).

Pinaka-matangkad si Miss Russia (Vica Goncharova) at 5’11" at sumunod naman si Miss Ukraine (Yulia Tomashevskaya).

Apat ang may taas na 5’8"– sina Misses Singapore (Jasmine Seow Yan-Ling), Peru (Luciana Farfan), Panama (Adriana Roquer) at Korea (Jihye Kim). Sina Misses Australia (Shannel Gregory), El Savador (Sandra Glower) at India (Maheshwari Thiagarajan) ay pare-parehong 5’7".

Sina Misses Colombia (Karol dela Torre) ay 5’51/2", Lebanon (Chantal Mehanna), 5’5", Malaysia (Xiaao Yann Khoo), 5’6", Mexico (Lizzet Jimenez), 5’6 /2", Sri Llanka (Nilusha Gamage), 5’6", Thailand (Wanvisa Kamdangyai), 5’6 1/2" at New Zealand (Amanda Carter), 5’5".

Pinaka-batang kandidata ay 18 at pinaka-matanda ay 23.

Nasa ika-34th year na ang Miss Asia Pacific Quest, Inc. na nagpapalaganap ng peace and goodwill, trade and toursim sa mga kasaling bansa sa Asya Pacific, South at North America at Middle East.