Singer din si Janna

Sa bawat landas na gustong marating ng kahit sino, maraming balakid na nakaabang. Pero, hindi madaling mawalan ng loob ang magandang si Janna Victoria. In fact, challenge pa ito sa kanya.

May telebisyon na kumukuha sa serbisyo niya. Hindi lamang para umarte kundi para rin sumayaw. Magaling na dancer si Janna. At sexy. Walang istasyon na tatanggi sa talino niyang ito. Pero unfortunately, isang hobby lamang kay Janna ang pagsasayaw. Isang uri ng ehersisyo. Hindi niya ito gustong gawing isang propesyon. Mas type niya ang umarte. At kahit na nagbu-bold siya, ang pag-arte ang palagi niyang binibigyan ng diin.

Marunong din siyang kumanta. Katunayan ay naki-jamming siya sa mga Backroom artists kamakailan sa Golden Acres. Hindi naman siya nagpahuli bagamat aminado si Ms. Victoria na hindi pa siya ganun kagaling pagdating sa kantahan dahil nagsisimula pa lang siyang humarap sa publiko.