'Krisis' bagong segment ng TeleDyaryo

May bagong segment ang banner show ng National Broadcasting Network, TeleDyaryo, na napapanood araw-araw, 8:00-10:00 p.m. hosted by Chino Trinidad and Gani Oro.

Ang nasabing segment, "Krisis," ay magbibigay ng mas malawak na kaalaman sa mamamayan tungkol sa mga bagay na pinag-uusapan sa loob at labas ng bansa. Bibigyang linaw ng "Krisis" ang mga bagay na hindi gaanong malinaw sa ating isipan.

Para sa kanilang unang presentation, tatalakayin ng "Krisis" ang issue ng narco-politics at terrorism na pangunahing problema ngayon sa Amerika at sa buong mundo na rin. "There is a need to define terms like narco-politics, narco-state, money laundering and terrorism," paliwanag ni Mia Concio, Chairman at President ng NBN. "These are big words with even bigger meanings that translate into the quality of life and the conciousness of future generations."

Ipaliliwanag din sa "Krisis" sa mamamayan ang epekto ng pinag-uusapang issue mula sa pamahalaan hanggang sa pangkaraniwang mamamayan. "This is the challenge we gave our NBN news team as we continue to strengthen TeleDyaryo," sabi naman ni Joy Isabelo, NBN general manager.

Si Chino Trinidad ang magiging host ng bagong segment.