Nagkamali ba si Nora ng pag-ampon kay Matet

Hanggang ngayon pala ay pinoproblema pa ni Kristina Paner si Daisy Romualdez and vice-versa.

Akala ko matagal nang na-settle ang issue ng tungkol sa parentage ni Tina na sinasabi ni Daisy noon na tunay niyang anak at ang tatay nito ay si Manny Paner.

Pero ang totoo raw nito ay inampon ni Daisy si Kristina sa pag-aakalang mabibigyan niya ito ng magandang hinaharap sa showbiz. At si Daisy nga ay ubod ng protective kay Tina at kahit noong mga panahong iyon ay pilit niyang tinatanggi na adopted lang niya ito.

Pero alam naman ng lahat sa showbiz na ang tunay na ina ni Tina ay ang kapatid ni Daisy.

Bakit kaya ginagawa pa ng mga showbiz personalities na maglihim ng maraming bagay samantalang sa bandang huli ay mabubunyag din at pinag-uumpisahan pa ng kung anu-anong problema.

Katulad ni Matet na tatlo-tatlo yata ang nagke-claim na siya ay kanilang anak.

Samantalang si Matet ay isang problem child. Palagay ko ay nakatulong sa pagpapalaki ni Matet ang fact na inampon siya ng wala nang pag-aalinlangan ni Nora Aunor.

At ang mga ina-adopt niya ay mga mestisuhin o mga anak ng foreigner. Bakit hindi na lang siya nag-ampon ng mga batang kamukha niya o hindi naiiba ang itsura sa kanya para hindi naman masyadong problemado ang bata paglaki.

*****

Email: [email protected]