Dating madre ang mom ni Chin-chin!

Halos lahat ng mga pelikula niyang ginawa ay katangi-tangi, tulad ng Ipaglaban Mo, Sa Pusod ng Dagat, Sa Aking Mga Kamay at Maalaala Mo Kaya?. Sa huli, binigyan siya ng Gawad Urian ng pagkilala bilang best supporting actress noong 1994.

Bilang bituin ng dekada 90, tanging siya lamang marahil ang naitatago ang pribado niyang buhay. Malayo siya sa intriga o kontrobersya. Ni walang nababalitang aktor na niligawan siya. "Hindi ako naliligawan sa showbiz," pagtatapat ni ChinChin Gutierrez noong Miyerkules sa taping ng Kasangga, episode "Dalagita, Tinodas ng Adik" na ipalalabas sa Agosto 21, GMA 7.

"I don’t give my numbers out. Even when I was a teenager, I value my privacy. Even if I am in showbiz, I don’t get into gimmicks to get noticed. How will I know if I am really a good actress if people in the industry get me just because I am controversial or glued into gimmickry?

"Tao rin ako," patuloy niya. "But it doesn’t mean I have to fall in love with someone in showbiz. It just never happened. I look at work as work. I don’t mix my private and personal life with people I work with."

Palaisipan nga siya kung minsan. Gusto ba niyang magpaka-misteryosa gaya ni Greta Garbo noong araw sa Hollywood? "No! That’s what people think but I am not," sabi niya. "I am just a normal human being like everybody else. It’s just very abnormal for a showbiz person not to be so busy."

Dahil walang hantad na manliligaw, kumalat minsan ang tsismis na siya raw ay tomboy. Bagay na ikinagulat niya. "I am first and foremost a woman and I know my womanhood!" diin niya. "I know my woman power so well that I can be a man if I want to. In truth, I am a mama’s girl.

"Syempre naman, may crush ako. Crush ko si Edward Norton whom I watched in Fight Club. He’s so good and sayang, he’s now married to Salma Hayek, that South American actress. Norton is such a good actor and I think the brilliance, sexiness and everything fall all in one with this guy. If you are good in what you are doing in any profession you are in, you attract and becomes a life."

Lumabas sa isang international film si Chin-Chin, Manila, kasama si Ana Capri na kinunan sa Germany noong 1999. May nanligaw na Frenchman kay Ana na nasa Germany noon. Kay ChinChin, may nanligaw bang European?

"Not really," sabi niya. "But I noticed the way the Germans looked at me. They find me exotic. There was a big cultural friendship that happened first. That’s why there was very little time to have intimacy or close relationship, other than cultural friendship. I made very good friends with the musicians there. I gave them some of my poems in English and Tagalog and they put it into music and played them at the Hamburg Opera House.

"Ang mga tula ko," patuloy niya, "tungkol sa pagmamahal sa bayan pero, iba-ibang level. In one poem, nandiyan na lahat yung iba-ibang klaseng pag-ibig, gaya ng pag-ibig sa sarili, sa tao, sa lupa, sa planeta at sa mother earth. Hindi ko binabanggit ‘yan sa tulad ko pero, mapi-feel mo na lang when you read it."

Miyembro ng Mother Earth Foundation at ng The Creative Arm Artist for the Environment si ChinChin. Nagbibigay siya ng lectures sa iba-ibang lugar, mula sa mga barangay hanggang iskuwelahan, tungkol sa kalikasan at kapaligiran. Nasa Davao siya noong Earth Day at naligid na raw niya ang buong Mindanao sa kali-lecture.

Sa kabila ng pagiging environmentalist, may panahon pa rin siyang paunlarin ang kanyang acting career. Kumuha siya ng acting course kamakailan sa France. "My acting coach at the Acting Internationale was Leslie Chatterly. Isini-share ko sa kapwa ko artista ang mga natututunan ko abroad."

Nagtapos ng Com Arts si ChinChin sa Miriam College. Naging TC commercial model siya at nahilig sa stage plays. Noong 1991, lumabas siya bilang Maria Clara sa dulang Noli Me Tangere. Napanood siya ni Simon Ongpin na kunektado noon sa Star Cinema. Naging contract star siya sa nasabing film outfit kapagkuwan. Una niyang naging manager si Boy Abunda. Na kay Norma Japitana na siya ngayon.

Galing sa angkan ng mga artista si ChinChin. Pamangkin siya ng LVN star noong 50s na si Lita Gutierrez. Botanist ang tatay niya. Artist ang nanay niya. "My mother was a nun for ten years before she got married," kuwento niya. Dalawa lang silang magkapatid. "My brother took up an interior design course."

Nasa ilalim ng Sagittarius zodiac sign si ChinChin. "Sagittarians are freedom-loving. If a person wants to be free, he should be a free person in time first. By being a free person, you automatically liberate other people from their fears or anxieties. People worry over the pattern of life they have to pass – getting married and have kids afterwards. Pero naiisip nila na yung soul nila, may sariling longings ang dreams. But who says you cannot go after those dreams and also get married in the process? Like a flower, everyone has a time to grow and a time to bloom," sabi niyang matalinghaga.

Sa klase ng pananaw niya sa buhay, mukhang mataas ang standards niya o pamantayan sa isang mapapangasawa balang araw? "Hindi naman," tugon niya. "Maaaring hinahanap ko lang yung katapat ng kaluluwa ko. Hindi ko alam kung ano ang dapat niyang maging katangian. Kung kilala niya ang sarili niya at makikilala niya ako bilang kung ano ang bumubuo sa sarili ko, siguro, magkakaroon ng ugnayan diyan. Pagkatapos, hindi ko na alam kung may lalalim pa diyan. Dahil bihira yung nagkakasama na kilala ninyo ang isa’t isa, ‘yon bang talagang nakikita mo yung Diyos sa isang tao, ‘yung pangkalahatang ‘yon."