Mikey Arroyo, sali na sa KAPPT!

Bakit ba tayong mga Pilipino ang hilig humusga ng ating kapwa. Paano ba tayo aasenso kung puro negatibo ang pagtingin natin sa sinasabi ng ibang tao.

Ganito ang nangyayari ngayon kay Donita Rose. Binigyan na naman ng ibang kahulugan ang sinabi ni Donita na pabalik-balik siya ng bansa nang mag-guest siya sa Master Showman kamakailan. Na-mention niya na kahit wala ng slot sa eroplano pinipilit niyang sumakay kahit sa economy.

Ayun, binigyan na naman ng ibang interpretasyon ng ibang tao. Na kesyo mababa ang tingin niya sa ilang kababayan natin dahil nila-lang niya ang economy sa eroplano.

Walang masamang kahulugan ang MTV VJ nang sabihin niya ‘yun, kaya please lang ‘wag n’yong bigyan ng ibang kahulugan ang sinabi niya.

* * *

Mabuti naman at ligtas na ang anak ni Kris Aquino na si Joshua. Biro n’yo ang laki ng Expedition.

Eh kung may nangyari sa bata, siguradong magsisisi sila. Kaya sa susunod, ingat tayo lalung-lalo na ang mga yaya.

Dapat talagang mabilis kayo sa lahat ng oras lalo pa nga’t working mom si Kris na kalimitan ay wala siya sa bahay.

Mabait ang Diyos kay Kris lalo na kay Joshua.

* * *

Binabati ko ng maligayang kaarawan ang kaibigan kong si Mr. Pure Energy Gary Valenciano.

Noong panahon na may GMA Supershow, parati siyang nagsi-celebrate ng birthday sa programa. Walang palya ‘yun. Siyempre, lahat ng kaibigan at kamag-anak niya, nandoon.

Ngayong taon sana, ini-invite ko siya sa Master Showman pero hindi niya tayo mapapaunlakan dahil nga may concert tour siya.

Sa kabilang banda, ngayon pa lang ay kino-kontrata ko na yung anak niyang si Gabrielle.

Sino pa ba ang susunod sa yapak ng isang Gary V.? Para naman pag nag-retire si Gary sigurado nang may papalit sa kanya.

Gary na Gary kasi si Gabrille.

* * *

Sa wakas kasapi na si Jeffrey Quizon ng Kapisanan ng mga Artistang ng Pelikulang Pilipino at Telebisyon.

Maging si presidential son Mikey Arroyo ay nagbayad na rin ng joining fee sa KAPPT.

Magandang balita ito dahil naging problema ni EP ang hindi pagiging member ng KAPPT kaya siya hindi nag-grand slam last year. Naging malaking issue ito. Pero naayos naman ang lahat at ngayon nga ay okey na kami.

Sana ay magsilbing halimbawa ang kanilang hakbang sa iba pa nating kapwa artista na binabalewala ang Kapisanan.

Pinapaalalahan ko rin ang lahat ng taga- industriya na irespeto n’yo naman ang KAPPT.

Kailan ba natin maiintindihan ang importansya ng KAPPT? Ito ang tamang panahon na dapat tayong magsama-sama.

* * *

Lagi na lang kasama sa lahat ng issue sa showbiz ngayon ang anak ni megastar Sharon Cuneta na si KC Concepcion.

Ito yata ang paraan ng ibang tao para makumbinse si Sharon na payagan ang anak na mag-artista na rin bukod sa paglabas sa Little Mermaid at pagiging endorser ng Human products.

Pero duda ako. Kahit ano sigurong gawin, malabong payagan ni Sharon na mag-artista si KC, hanggang TV at stage lang muna siguro.

Ang isa lang hindi magandang lumalabas ay ang sinasabi ng iba na bagay sila ni Borgy Manotoc na mag-partner sa pelikula. Para bang pang-elite lang si KC.