KC para sa Human Bench

Inilunsad si KC Concepcion bilang endorser, image model ng Human, alternative label ng Bench para sa mga young and individualistic.

Ang launching ay ginanap sa RCBC Plaza. Nagkaroon ng isang fashion presentation na nagtatampok kay KC sa mga kasuotang Human. Napaka-magnetic ng dating ni KC as she romped around in trendy, edgy pero napaka-basic na clothing. Tuloy nasabi ni Gary Valenciano, na isa sa mga nanonood na "KC is a new artist for the new generation".

Nakuha niya ang magagandang katangian ng kanyang mga magulang. She is smart, articulate, talented, friendly and outgoing like her Megastar mom. Di siya takot sa mga challenges.

Kakaunti lamang ang nakakaalam na mahilig mag-compose ng poems si KC. Ipinarinig niya ito, at the same time showing her human side, nagagalit, nalulungkot, natutuwa tulad ng ordinaryong tao.

Nagkaroon ng open forum after the presentation. Naging host si Ces Drilon. Marami ang nagtanong bagaman at nalimita ang kanilang mga katanungan sa pagiging endorser ni KC.

Naging suporta ni KC ang kanyang mom, ang lolang si Elaine Cuneta, ang stepfather niyang si Sen. Kiko Pangilinan at baby sister na si Frankie. Naroroon din ang wife ni Gary na si Angeli Pangilinan, Ciara Sotto, Joyce Jimenez, Mr. Ben Chan, atbp.(Ulat ni Lanie Sapitanan)