Marco Sison, taga-deliver ng sulat

Kung sa akala natin na pag-awit at pulitika lamang ang pinag-kakaabalahan ni Marco Sison lately, think again dahil siya rin, gaya ng mga artist cum enterpreneurs natin ngayon, ay nagtayo ng sarili niyang negosyo. Habang ang iba ay nasa food at clothing business, pinili naman ni Marco ang communication-partikular ang mail at delivery services.

Si Marco ang pangatlong artist, ang naunang dalawa ay ang comedian na si Gary Lising at ang rapper na si Andrew E., dito sa ating bansa na nagmamay-ari at nagpapatakbo ng isang franchise ng FedEx delivery services. Mail & More Business Center ang pangalan ng shop ni Marco at matatagpuan ito sa ground floor G128 ng Star Mall sa EDSA corner Shaw Boulevard, Mandaluyong City.

As the name of his shop implies, Mail & More Business Center, hindi lamang FedEx delivery at mail services ang offered ng shop ni Marco. Mail & More Business Center also offers Air21 for domestic express delivery, internet and computer rentals, desktop publishing, internet and phone cards, junior call mall, Philpost, greeting cards at RCPI Peragam.

Ang idea na magtayo ng mail at delivery services shop ay nag-simula noong busy si Marco sa pangangampanya noong nakaraang eleksyon. Nakilala niya si Bert Lina ng FedEx at ito ang nag-inspire sa kanya na magbukas ng negosyo. "Mail and delivery is very in demand nowadays and it somehow establishes stronger communication and correspondence between people who are apart from each other," sabi ni Marco.

Ang 32-sq. meter Mail & More Business Center ay ang 80th authorized FedEx franchisee dito sa ating bansa ngayon. Mago-offer din ang shop ng print and layout services na very ideal para sa mga concert at show posters, tickets and the like.

Nasa second dry-run week na ang shop at ang formal opening nito ngayong Huwebes. Makakasama ni Marco sa opening ng Mail & More Business Center ang ilan sa mga kaibigan niya sa industriya gaya nina Mitch Valdes, Rico J. Puno, Bimbo Cerudo, Wiseguys, Jeremiah at iba pang mga surprise guests.

Si Marco mismo ang nagpapatakbo ng daily operation ng shop kasama ang kanyang misis na si Jojo. Bukod sa Mail & More Business Center, busy si Marco sa pag-promote ng kanyang latest album under Viva Records, ang "Maghihintay Na Lamang." The 12-track album features Marco as he gives a male rendition to some of the today’s popular female songs. Marco is also gearing up with his Australian and US tours that will happen sometime in August and September.