Second sexiest woman in the world to write her own book

I’m sure curious kayong malaman kung sino ba siya. Lalo na kapag nalaman n’yo na isa siyang Pilipina at tinalo lamang siya ng nasa number one position na si Jennifer Lopez by a small margin. She is non other than Donita Rose, isang paboritong product endorser (Greenwich, Globe, Lux, Pepsi, Gen X), movie/TV actress and MTV Asia VJ.

Donita is indeed making breakthroughs as an artist. Siya ang kauna-unahang Pilipino na nalagay sa cover ng "Time". Malalagay din siya sa cover ng "FHM" at sa unang anibersaryo ng "Seventeen" Philippines. Kauna-unahan din siyang Pinay na nabigyan ng ganitong pagkilala ng "Seventeen," tulad din ng natanggap niya sa "Cosmopolitan Magazine". Last month, na-interview siya sa Talk Asia, hosted by Dalton Tanonaka kasama ang dalawa pang VJ mula sa MTV Asia. Ang palabas ay napanood sa buong mundo.

Sa pelikula, may offer sa kanya ang Viva para sa isang movie with Regine Velasquez. May offer din ang Regal Films para sa isang pelikulang kasama si Mark Anthony Fernandez. Huli niyang pelikula ang Legacy kasama ang Baywatch actor na si David Hasselhoff. Napapanood na ang pelikula sa HBO at Cinemax.

Soon, makikita na siya sa kanyang sariling website. Sa pamamagitan nito, magkakaroon ang mga fans ng pagkakataong makita siya and know more about her. Ilulunsad ang website via a big event to be supported by Globe Telecom.

MTV Asia has opened doors for Donita. Nag-host siya ng Indonesian Music Awards sa Jakarta. Bukod sa pagkakataong makausap ang mga sikat na artistang tulad ng 98 Degrees, Jon Bon Jovi, The Cranberries, Carson Daly and the Offspring nakapag-host na rin siya ng concerts nina Ricky Martin at Westlife. She was also honored to meet and have tea with Her Majesty Queen Elizabeth of England. Kamakailan ininterview niya si Baz Luhrman, director ng Moulin Rouge, starring Nicole Kidman and Ewan MacGregor sa Singapore.

Pagkatapos ng kanyang bakasyon sa Amerika, tumuloy siya ng Maynila para ayusin ang kanyang mga commitments dito. Tapos na niya ang Larawan para sa GMA at marami siyang kino-consider na offer. Sa kabila ng kanyang kaabalahan, nagbabalak siyang magsulat ng isang libro tungkol sa kanya. "It will be my life story, something that the youth can get inspiration from. Here, I will show how God has changed my life. It will more fun than religious," pangako niya.

*****

Hindi ko sukat akalain na exceptional ang boses ng anak ni Dante Varona na si Tanya. Kahit pa one time, she was among the finalists in a Metropop contest. But there she was, in Hotel Rambrandt’s Downtown, giving her SRO audience their money’s worth, every centavo they paid just to be able to watch her in her very first major concert titled Two-Gether back-to-back with her friend Tintin Gonzaga and Lance Raymundo for her guest.

Ang Two-Gether ay isa lamang simula ng marami pang konsyerto para sa kabataang Varona who used to front act in the States for some Filipino artists na dumarating dun. Sina Dolphy at Zsazsa Padilla, Pilita Corrales at Reycards ay ilan lamang dito. Naging guest singer siya nina Anthony Castelo at Christopher de Leon nang mag-show sila sa US at naging feature singer sa Hot dog at 3 Men & A Lady concerts.

Bagaman at mayro’n siyang regular stint sa Calesa Bar, nagbabalak bumalik ng US si Tanya para ipagpatuloy ang kanyang training. Balak din niyang dun na ipagpatuloy ang kanyang pag-aaral. Sayang kung tutuusin para sa isang kabataan na mayro’ng talino na hindi pa nabibigyan ng gaanong pansin ng kanyang mga kababayan.

*****

May isang uri ng kape na unti-unti ay nagiging mahalagang bahagi ng buhay nating mga Pilipino. Ito ang Gano Excel’s Gano Cafe 3-in-1, ang kauna-unahang health coffee sa Pilipinas at sa malao’t madali ay sa buong mundo na rin. Pinaghalo nito ang isang unique blend of coffee and refined Ganoderma extract na nagbibigay sa ating katawan ng more energy and vigor, reduces fatigue and increase brainpower. It also rejuvenates the system, making one feel young and alert. Tumutulong din itong palakasin ang ating immune system and the organs that are responsible for waste elimination and detoxification. Ang Ganoderma ang scientific name ng isang uri ng kabute, mushroom, na nangunguna among the herbs with beneficial effects on human health.

Apart from bringing health and wealth to every Filipino, nagdiriwang ang Gano Excel Phils. ng kanilang 2nd anniversary via a beauty contest called Miss Gano Excel 2001 na ang finals ay magaganap ngayong Hulyo 28 sa Fiesta Pavilion ng Manila Hotel. Labingwalong magagandang kababaihan mula sa iba’t ibang rehiyon ng bansa ang maglalaban para sa titulo. Bilang bahagi ng kanilang pagdiriwang, maga-award ang kumpanya ng Top Networkers gayundin ng mga Pearl, Emerald and Diamond Directors.