Phillip ayaw nang bumalik ng bansa

"Napanood mo ba si Geneva (she’s referring to Geneva Cruz sa ASAP last Sunday)? Grabe para siyang dancer sa club," bungad ng isang ka-opisina ko last Sunday afternoon.

"’Yung bra na suot niya, hindi bagay sa kanya parang mumurahin na nabili lang sa Divisoria. Kita na halos ang boobs niya eh buti sana kung maganda pa," dagdag na emote pa ng ka-opisina ko.

Actually, hindi lang naman isa o dalawa kundi marami na ang nakakapansin sa sobrang pagpapa-sexy ni Geneva sa TV tuwing kakanta siya.

Bakit hindi na lang siya sa pelikula maghubad, pagkakakitaan pa niya?

*****

Palabas na bukas, Miyerkules ang latest movie ni Jeric Raval na Bagansya. Huling pelikula niya ang Bala Ko, Bahala Sa ‘Yo.

"Nakaka-miss ding gumawa ng pelikula," sabi ni Jeric dahil matagal-tagal din siyang pahinga sa pag-arte.

Sa Bagansya, isa siyang masunuring factory worker at family man na nasangkot sa isang gulo matapos siyang idawit ng mga pulis sa isang kaso nang hindi siya nasuhulan ng pera ng mga ito. "Napapanahong pelikula ito. May mga ganitong pangyayari kaya naniniwala akong magiging malapit din sa puso ng maraming manonood ang kuwento sa pelikula. Lalo na sa mga taong mahirap at walang impluwensiya na dumaranas ng kaapihan at paglabag sa kanilang karapatang pantao, mula sa abusado, corrupt at tiwaling alagad ng batas," paliwanag ni Jeric.

"At sa ganitong mga pagkakataon, wala kang choice kundi ipagtanggol ang sarili laban sa bulok na sistema at isa lang ang puwede mong kilalalaning batas - ang batas sa lansangan - karahasan. Ibang usapan na ‘yun. Buhay at dignidad na ang nakataya," patuloy niya.

Halos limang buwan na nang huling mapanood si Jeric.

Kasama ng aktor sa Bagansya ang newcomer na si Sharla Tolentino, Patrick dela Rosa, Dindo Arroyo at Raymond Keanu at may special participation si Dan Fernandez.

*****

Sina First Gentleman Mike Arroyo at Press Secretary Noel Cabrera ang special guest sa ginanap na launching ng bagong Channel 4 - National Broadcasting Network (NBN).

Kasabay ng NBN launching ang pagsisimula ng kanilang signature program, TeleDyaryo na mapapanood mula Lunes hanggang Biyernes, 8:00-10:00 p.m.

Naging guest performer naman sina Chad Borja at John Lesaca.

Pinangungunahan ni Ms. Mia Concio ang bagong NBN bilang president at chairman.

*****

Bilang pagdiriwang ng second anniversary ng Gano Excel Philippines Inc., ang fast growing multi-level marketing company na kilala sa paggawa ng ganoderma - isang scientific name ng red mushroom, nag-launch sila ng Ms. Gano Contest na magkakaroon ng grand final sa July 28 sa Fiesta Pavillion ng Manila Hotel.

Magkakaroon ng representative ang bawat region sa nasabing beauty contest. Ang mananalo ay magiging endorser ng kanilang mga produkto na mas dumami pa ngayon - Gano Garcinia, Sakanno, Gano Soap, Gano Fresh Toothpaste, Gano Cafe, Gano Schokolade, G’Beaute at marami pang iba.

Dalawa sa 16 finalist ay present sa launching ng Miss Gano sa Anabel’s last Thursday afternoon - sina Jane Javier at Wengie Lainez.

Si Jane ay nag-aaral sa Cora Dolorosa samantalang si Wengie ay college student sa Central Colleges of the Philippines.

Bukod sa magiging product endorser, tatanggap din ang magiging Miss Gano ng P30,000 at trip to Malaysia; P20,000 naman ang 2nd placer at P10,000 sa 3rd placer.

*****

How true kaya ang balita na hindi up dated ang suweldo ng mga talent ng ABS-CBN? Ayon sa isang source ng Baby Talk, ayaw lang magsalita ng mga artistang hindi nababayaran dahil nahihiya sila sa management.

Almost two months na raw delay ang suweldo ng ilang artista na regular sa ilang show ng Dos.

Bukas ang pitak na ito sa anumang kasagutan ng ABS-CBN.

*****

Totoo rin kayang ayaw nang bumalik ng bansa ni Phillip Salvador? Isang malapit sa actor ang nagsabi na matagal na dapat bumalik ng bansa si Ipe, pero hanggang ngayon ay wala pa. Nagpunta siya ng US para dumalo sa kasal ng panganay niyang anak kay Sonny Dabao.

Ayon naman sa ilang observer, umalis si Ipe sa bansa para kalimutan ang naging kapalaran niya sa pulitika - natalo siyang vice mayor ng Mandaluyong na sinundan ng isang aksidente.

*****

Narito ang isang e-mail from Wilson Flores:

Pagkatapos mapanood ang South Border at Side A concerts, ang 510-seater Padi’s MINDAVE sa Mindanao Avenue at Congressional Avenue will hold the July 24 (Tuesday) special concert ng fast-rising band Barbie’s Cradle.

Ang 22-year-old lead singer na si Barbie Almalbis wrote and sang the theme song of ABS-CBN youth drama series Tabing-Ilog, and she also wrote all the songs in the band’s first album produced by Warner Music Philippines. Barbie also plays the keyboards, guitar and harmonica.

Ang iba pang band members are Wendell Garcia on vocals, drums and percussion, Rommel dela Cruz on vocals, bass and string arrangement.

S-Files talk show host Paolo Bediones of GMA-7 recently interviewed Southborder during its July 15 Anniversary Concert at Padi’s MINDAVE produced by Mindave Entertainment Corp., and he also jammed with the band. Ang interview ay napanood last Saturday.

Kasama pa sa ibang exciting Padi’s MINDAVE special concerts ay ang Rivermaya sa August 1; Parokya ni Edgar sa August 16, at Freestyle sa August 22 and 27 just before its 6-week USA concert tour.

Nagi-invite rin ang Padi’s MINDAVE sa publiko na sumali sa kanilang "New Singing Star Search" competition and the exciting "Mindave Battle of the Bands." Padi’s MINDAVE also opens its new Mindave Bookshop, which will initially offer 87 foreign and local magazines. For inquiries, please call 4530080 or 4144930 to 34 or 9253117.

*****

salve v. asis e-mail’ - [email protected]/[email protected]