Angela Velez, one of the sexiest women in the world

Isa si Angela Velez ang naapektuhan sa biglang paghihigpit sa bold movies bagaman at bago pa ito nangyari ay talagang wala na siyang pelikula at sa TV na lamang napapanood. Pero, ang pangyayaring ito ay hindi nagbigay ng problema sa magandang sexy star na pinalad na mapabilang sa mga alaga ng isang malaking istasyon ng telebisyon, ang ABS- CBN. Nagagawa pa rin naman niyang magpaseksi sa kanyang araw-araw na programa, ang Magandang Tanghali Bayan na kung saan ang isa pa niyang talino, ang talino sa pagsasayaw, is put to the fore. Recently, binigyan nila siya ng competition in the person of Victoria London na bagaman at maganda rin at sexy has not posed a threat to the sultry Angela. Mapapanood din siya sa ASAP at Keep On Dancing.

Pero, hindi lamang sa pagsasayaw maaasahan si Angela. Napaka-challenging ng kanyang role sa teleseryeng Sa Dulo Ng Walang Hanggan bilang kapareha ni Victor Neri.

Hindi matatawaran ang talino ni Angela. Kaabang-abang ang bawat stint niya, mapa-TV o live show. Idagdag pa na isa siya sa napiling "Sexiest Women In The World" ng isang kilalang babasahin.

Sa Sabado, July 21, mapapanood si Angela sa isang non-stop dance concert sa Chatterbox West Avenue sa ika-10:00 ng gabi. Live na hahataw siya sa music nina Madonna, Christina Aguilera at Jennifer Lopez. Makakabili ng tiket sa entrance.

* * *

Baka ang susunod na celebrity couple na magpapakasal ay ang action star na si Ronald Gan Ledesma at ang girlfriend niyang recording artist/TV host na si Hanna Villame. Naimbita ako sa birthday concert ni Hanna sa Southern Bulls nung Martes at nakita kong open na pala ang relasyon ng dalawa. Katunayan, sa isang bahagi ng show ni Hanna ay inimbita niya para maka-duet si Ronald at matapos silang kumanta ay dalawang (tatlo ba?) ulit pa silang naghalikan sa labi, right there in front of the big crowd na sumaksi sa concert ni Hanna.

Naging bisita rin ni Hanna ang big lady boss ng MMG Group of Companies na si Evelyn Mateo. Come to think of it, napaka-supportive ni Evelyn sa kanyang mga talents. Nagawa pa niyang pasyalan si Hanna sa show nito. Dumating din ang mag-asawang Nino at Edith Muhlach, Ian at Isa de Leon, Yam Ledesma, Michael Laygo at si Leonard Obal.