Bagong contract star ng El Niño

Flawless na flawless ang bagong contract star ng El Niño Films na si Kristina "KC" Castillo na binigyan ng break sa pelikulang Paruparong Ligaw, sa Malinaw na Tubig na dinirek ni Cesar Abella. Muntik mag-away ang mga bold actors na sina Fernando Montenegro, Jeff Gonzales at Paolo Romero star ng Live Show dahil sa kanya.

"Ay, naku, huwag na silang mag-away. Wala pa sa bokabularyo ko ang pumatol sa lalaki ngayon. Ayaw kong umibig, abala lang yan," sabi ni Kristina.

"Aba, magkakaproblema pa ako. Hindi ko type magkaproblema," dagdag ng seksing star na gatas daw ang ipinapaligo. Maselan kasi ang kanyang balat. No wonder, medyo namula-mula nga siya noong love scene nila ni Fernando M. – Vir Gonzales