Ipinakilala ang ika-9th batch ng Star Circle

Marami ang excited to meet the son of one of the movie’s dream boats na si Aga Muhlach. Ito ang kanyang anak kay Janice de Belen na si Iggy Boy Muhlach na ilang linggo lamang ang nakakalipas ay ipinakilala sa amin ni Dave Fabros ng ABS-CBN Talent Center. Sinabi nito na kasalukuyan nilang sinasanay ang mahiyain at medyo mataba pang bata para makabilang sa ilulunsad nilang pinakahuling batch ng Star Circle. Unfortunately, hindi ito kabilang sa 28 kabataan na iniharap sa media kamakailan lamang sa Virgin Cafe Morato. Ayon sa isang reliable source, nag-join ito ng ABS-CBN pero, hindi raw para sa Star Circle kundi para sa Ang TV lamang. Ganun?!

Nevertheless, the members of the fourth estate were only too glad to meet a refreshing batch of talents na kinabibilangan din ng ilang pamilyar na mukha. Gaya ni Janus del Prado, dating child star na kinikilala na rin ang galing sa pag-arte. Marami nga ang nagtataka kung bakit kinakailangan pa niyang makilahok sa grupo gayong kaya na niyang tumayong mag-isa. "Ako ang may gustong makasali. Ako ang nag-prisinta, hindi nila ako kinuha," ang sagot niya sa tanong.

Kilalang-kilala rin ang kasalukuyang modelo ng Close Up na si Rafael Rosell IV. Siya yung nakikipagpalitan ng flying kisses sa isang babae. Galing Norway si Rafael. Naparito lamang para subukan ang kanyang kapalaran sa local showbiz. Eighteen years old siya.

Nagbibinata na rin ang batang napapanood sa Kaybol at Maalaala Mo Kaya na si Alwyn Uytingco. Thirteen na siya at nangangarap ng mas mature na roles.

Hindi man pamilyar ang mukha ni Khalil Kaimo, mabilis naman ang dating ng kanyang pangalan. Tama kayo, anak siya ng popular na broadcaster. He’s funny. Marami siyang gusto, kasama na ang pagiging isang newscaster na tulad ng kanyang ama.

Hindi kamukha ni Michael Agassi ang kanyang kapatid na si Carlos. Magkaiba rin ang kanilang pangangatawan. Marunong siyang mag-rap pero, mas gusto niya ng rock climbing at weights training.

Singer din si Lloyd Zaragoza tulad ng kanyang famous sister na si Jessa. Maganda ang kanyang boses at may nagawa nang album na ilulunsad soon. He’s 19 years old.

Sa university and college circuit, popular si LA Mumar sapagkat varsity player siya ng basketball. "Nakasunod na ako sa yapak ng father ko, gusto ko namang tahakin ang landas na tinahak ng mother ko," sabi ng guwapong baguhan na ipinagmamalaking anak siya ng magaling na aktres na si Coney Reyes.

Napapanood naman sa Pangako Sa ‘Yo si Hazel Ann Mendoza bilang sister ni Kristine Hermosa. Nagsimula bilang isang child star ang 13 years old hopeful.

Si Cherry Lou ay bahagi ng isang singing duet na tinatawag na Cherries. Nawala ito nang mag-asawa ang kanyang ate kaya she is now on her own.

Si Heart Evangelista ay napapanood sa Gimik. Isa siya sa maituturing na maswerteng newcomer sapagkat bago pa napasama ng Star Circle ay nabibigyan na siya ng mga maganda at malalaking assignments. The same with Princess Schuck na napapanood sa Ang TV, Flames at Star Drama Presents.

Tinanong ang mga baguhan kung bakit sila nag-join ng Star Circle at sinabi nilang marami silang natututunan dito bukod pa sa pangyayaring nahahasa sila sa maraming bagay tulad ng pag-arte, pagkanta, paghu-host. Lumalawak pa ang kanilang personalidad at lumalabas ang talino na hindi nila inaakalang taglay nila.

Kung nagtataka kayo kung bakit may mga taga-Canada at iba pang US territories ang nakakasama sa grupo, ito ay sa dahilang talaga namang lumalabas ng bansa ang mga taga-Dos sa pamumuno ni Dave Fabros para makakita ng mga kabataang may potensyal. Ang iba naman ay pumupunta ng Pilipinas bilang premyo sa kanilang mga sinasalihang talent ng discovery search sa ibang bansa.

Tulad ni Pascal Greco na umalis ng Canada para mag-artista dito. Ang debutanteng si Nina Mercado na lumagi ng San Francisco sa loob ng 12 taon. Ang kinse anyos na si Djohanna Rios na idolong idolo si Vanessa del Bianco.

Sikat na commercial model si Monique del Mar, 22 yrs old. Ang mga commercials niya ay ipinalalabas sa China, Malaysia, Australia at US. Bahagi rin siya ng The Grind sa MTV Hongkong.

Nagmula naman sa kilalang pamilya ng mga Laurel si Dominique Laurel, 17 years old.

Ang iba pang miyembro ng Star Circle Batch 9 ay sina: Abigail Cruz, 13 years old; Julie Ann Lee, 13 din; Rex Agoncillo, 15; Daniel Reyes, 17; Pia Lopez, 21; Angelene Aguilar, 12; Enid Reyes, 21; Ryan Ramos, 19; Marvin Lanuza, 22; Nico Garcia, 18; Timmyboy Santamaria, 13; at Ethan Javier, 20.