Ace, may 2 anak na ayaw kilalanin?

Naging madrama ang presscon ng Carta Alas (Huwag Ka Nang Humirit) starring Ace Vergel under FLT Films.

Hindi kasi napigilan ni Ace na maiyak nang may magtanong sa kanya tungkol sa anak niyang si Ali sa kanyang ex-wife.

Inamin niyang naging mabuti sana siyang ama pero kulang ang oras niya sa nag-iisang anak.

Pero isang source ng Baby Talk ang nag-reveal na may ibang anak si Ace na hindi ni-recognized ng Vergel Family. One girl and one boy daw ito - Asturias siblings. Nasa real state business and eldest named Martin at ang girl, Isabel ay married na.

Actually may common friends ang source ko at si Martin kaya alam niyang anak ng actor si Martin.

"Alam ko three years ago, nagpunta sila sa sister ni Ace, si Beverly pero hindi sila pinansin. Kinausap din nila si Alicia Vergel, pero hindi rin sila ni-recognize," my source says.

Kaya naman nagtaka ang source ng Baby Talk nang malamang umiyak si Ace sa presscon ng Carta Alas nang pag-usapan ang tungkol sa kanyang anak.

Anyway, comback movie ni Ace ang Carta Alas pagkatapos ng ilang taong pamamahinga at pagharap sa iba’t-ibang kaso. Last movie niya ang Armado under Star Cinema opposite Ina Raymundo. Since then, hindi na siya tumanggap ng offer.

Sa pagpasok ng 2001, nag-decide si Ace na magbalik pelikula. Tinanggap niya ang offer ng FLT Films International.

Nakasama niya sa movie sina Antoinette Taus, Piel Morena, Jean Saburit, Efren Reyes, Jr. at Wowie de Guzman.

Ito ang first time na nakatrabaho ni Alas si Direk Joe Carreon.

Ang pelikula ay kuwento ng isang matapat na alagad ng batas (Ace) na naka-encounter ng mga bagitong bukas-kotse gang na kinabibilangan nina Wowie at Antoinette. Dito iikot ang kuwento ng pelikula.

Excited na excited si Ace habang ginagawa ang pelikula. "Na-miss ko kasi ang shooting kasi nga matagal din akong walang pelikula," he says sa presscon.

"Pelikula kasi talaga ang buhay ko. Malaki ang utang na loob ko sa industriya kaya hindi ko ito puwedeng iwan nang basta-basta na lang. Basta maganda ang material okey sa akin," he adds.

Kontrabida ni Ace sa pelikula si Efren Reyes Jr., Alvin Anson at Dick Israel.Si Piel Morena naman ang love interest ni Ace rito.

*****

Maraming problema ang hinarap ng ating bansa kamakailan: ang digmaan sa Mindanao, ang impeachment trial na nauwi sa People Power 2, ang rebelyon sa Mendiola at ang nakaraang eleksyon. At sa lahat ng ‘yan, nanatili ang Frontpage: Ulat Ni Mel Tiangco sa gitna ng mga pangyayari para mag-update ng pinakahuling balita mula sa lahat ng kampo. Ito naman talaga ang sinabi ng bumubuo sa programa nang simulan nila ito noong August 1999 na hanggang ngayon ay kanilang pinangangatawanan.

Kilala bilang isa sa mga pinaka-respetadong broadcast journalist sa Pilipinas at kauna-unahang babaeng binigyan ng sarili niyang news program, kahit kailan ay hindi na-question ang kredibilidad ni Mel Tiangco kaya naman lagi siyang nangunguna pagdating sa mga groundbreaking exclusive interviews sa mga prominenteng tao. Kasama sa kanyang mga "firsts" ang eksklusibong panayam kay dating Pangulong Estrada sa unang gabi ng pagkakapiit nito sa Camp Crame habang sa kabila ay pinagtiyagaan na lang kausapin ng anchor ang prison warden para kamustahin ang lagay ng dating pangulo. Tanging Frontpage lang at si Mel ang pinagkatiwalaan ni Erap na ihayag ang kanyang damdamin sa pinakamalaking pagsubok sa kanyang buhay.

Kabilang din sa mga exclusives ng Frontpage ang interview sa priest killer na si Robert Manero nang di pa ito sumusuko; one-on-one kay Pres. Gloria Macapagal-Arroyo matapos niyang i-declare ang state of rebellion; at isang comprehensive report sa lugar kung saan tinapon at sinunog ang mga bangkay ng PR man na si Bubby Dacer at driver nito.

Kaya naman nagkamit si Mel ng national recognition sa kanyang trabaho at nitong nakaraang taon ay napili siyang best female newscaster ng Star Awards at Frontpage naman ang hinirang na best news program, gayundin sa KBP Golden Dove Awards.

Panoorin mula Lunes hanggang Biyernes, 10:30 p.m. sa GMA ang Frontpage.

*****

Starting next month, babalik na si Mareng Winnie Monsod sa Debate. Ito ay matapos siyang hindi palaring manalo sa katatapos na national election.

Marami ring naka-miss kay Mareng Winnie nang pansamantala niyang iwan ang programa para mangampanya. Si Mel Tiangco ang nakapalit niya na kasing galing din niya.

Pupunta raw muna ng States si Mareng Winnie dahil manganganak ang anak niya.

Sayang at hindi nanalo si Mareng Winnie. Binoto ko pa naman siya.

*****

Hindi pa man napo-promote ang pangalawa niyang single mula sa kanyang self-titled album, in demand na in demand na ang London-based singer na si Fredric Herrera ayon sa kanyang PR-Manager na si Roger Parajes.

Matapos na tangkilikin ng mga FM radio listeners ang kanyang hit single na "Ako Na Lang Ang Lalayo," na ilang buwan na ring no. 1 sa airlanes, feel na feel ng binata na gustung-gusto ng mga kabataan ang kanyang kanta. Katunayan sa nakaraang concert ng DWRR sa Barangay Aniban sa Bacoor, Cavite noong Mayo 19, isa siya sa halos hindi makalabas ng venue dahil sa rami ng mga taong humihingi ng kanyang autograph.

Actually, hindi lang miminsan na naganap ang nasabing eksena lalo na sa tuwing magpe-perform si Fredric at matapos niyang kantahin ang kanyang hit song na "Ako Na Lang Ang Lalayo" na sinasabayan na rin ng mga fans niya.

Dahil nakita ng Ivory kung gaano na kalakas sa mga fans si Fredric, siya na ang ginawang regular na guest performer sa kanilang lingguhang Sing-Galing Contest sa lahat ng SM Malls tuwing Biyernes sa ganap na alas-tres ng hapon.

This coming Friday, Mayo 25, nasa SM Pampanga ang Sing-Galing Contest with Fredric. Excited at tuwang-tuwa si Fredric dahil muli na naman niyang makakapiling ang kanyang mga kabalen.

Ang iba pang SM branches na pupuntahan nila ay ang SM Fairview, Hunyo 1; SM Bacoor, Hunyo 8; SM Sucat, Hunyo 15 at SM North Edsa, Hunyo 22.