3 solo rap artists join forces

May isang sumisikat na grupo ng rap artists na mabilis na gumagawa ng pangalan sa daigdig ng musika. Nagsisimula silang makilala bilang Trilogy. Sa kabila nang nakikilala sila bilang miyembro ng nasabing grupo, hindi nawawala ang individuality ng tatlong kabataang bumubuo ng Trilogy. Ang pagkakaroon ng iba’t ibang backgrounds na nagbibigay ng iba’t ibang appeal sa grupo.

Ang Trilogy ay binubuo nina Kristoffer Carlo Carino (Kristyles), Jolo Raagas (J.O.L.O.) at Mark Anglo (Krook).

Si Kristyles ay ipinanganak dito pero pumunta ng LA sa gulang na 10. Dun nahasa ang kanyang talino na nagsimula nang bigyan siya ng turntable ng kanyang ama na ginamit niya sa mga private parties at naging dahilan para makabuo siya ng grupong MC2.

Born and raised in the Philippines si Jolo (Juggling Over Lyrical Obstacles). Habang nagri-record ng isang track para sa debut album ni Mo Twister ay nakilala niya si DJ MOD na nagsimula ng "Kut 5 Trilogy" album na nagtatampok ng 3 solo cuts ng tatlong myembro at tatlo pang tracks bilang grupo.

Washington-born naman si Krook pero natira ng Maynila ng 18 taon. Myembro siya ng isang FilAm group at nakilala sa US. Nagkaroon na sila ng live concert sa Chicago. Swerte ng Trilogy sapagkat ipinadala sila dito ng kanilang mga magulang para mag-aral.

Ang first single na inilabas mula sa "Kut 5 Trilogy" na inilabas ng ILL Kamp label na ipinamamahagi ng Universal Records ay pinamagatang "Eminem Kut", isang free-flowing rap number, very danceable at madalas patugtugin sa radyo.