Ang paborito ni Rica

Marami ang nagulat kay Rica Peralejo nang lumabas siya sa isang campaign ad sa TV kung saan buong ningning niyang iniendorso si Obet Pagdanganan sa Senado.

Nando’n ang mga katanungan kung bakit napapayag si Rica, and that, kung bakit nagtiwala si Obet sa isang Rica Peralejo na kilala ngayon sa larangan ng pagpapaseksi?

Ano nga raw bang relasyon meron sila? Magkamag-anak daw ba sila? Mag-tiyo raw ba sila?

"It’s just that, isa lang ako sa malaki ang paniniwala sa kanya. He’s one of my favorite candidates and it just so happened na nauna siyang lumapit para humingi ng tulong at suporta," paliwanag naman agad ni Ms. Peralejo.

Kung paniniwalaan pa ang tsika, hindi rin daw nagpabayad si Rica sa nasabing ad campaign for Obet, na siya ring pinatotohanan ng dating gobernador ng Bulacan.

"Malaki ang pasasalamat ko na hindi ako napahindian ni Rica to think na walang bayad ’yon dahil wala naman akong maibabayad. Kaya I’m very thankful of her," sabi pa ni Pagdanganan.

Sa kabila nga ng isyung mahal ang singil ni Rica sa kanyang mga appearances, maraming napabilib si Rica sa kanyang ginawa bilang patotoo lang na hindi lahat ay pera sa kanya! (Ulat ni Robert Perez)