Dalaga, ginahasa ng albularyo

Wala na sa Seiko Films si Nini Jacinto.

Hindi na siya nag-renew ng contract sa kanyang dating mother studio na nagbigay sa kanya ng pagkakataon na makilala sa pangalang Nini Jacinto.

Ang Seiko ang nagbigay ng malaking chance kay Nini na makilala na dating Apple Rose noong panahon ng That’s Entertainment.

At nang mawala sa bakuran ng Seiko si Priscilla Almeda dahil sa umano’y issue ng exploitation, si Nini ang ipinalit na pattern sa packaging ni Priscilla noon. Pinahaba ang buhok niya at mapapapagkamalan mong si Priscilla si Nini.

Naging successful naman si Robbie Tan sa kanyang ginawa kay Nini. Binigyan siya ng maraming pelikula. Pero ngayong wala na siya sa Seiko, hanggang TV muna si Nini.

Ngayong Martes, mapapanood siya sa Kasangga sa episode na ‘‘Dalaga, Ginahasa ng Albularyo’’ kasama si Ricky Belmonte, Anton Bernardo at Jean Saburit.

Ang nasabing episode ay base sa tunay na buhay.

Ang Kasangga ay mapapanood tuwing Martes, 9:00-10:30 p.m. sa GMA 7.