Hataw ang mga talents ng Virtual Cinema

Halos kasisimula pa lamang ng taon pero patuloy na umaarangkada ang Virtual Cinema International nina Dondon Monteverde, Joven Tan at Jeffrey Lim.

Kasalukuyang gumagawa si Ace Vergel ng pelikula under FLT Films International. Ito ay isa sa dalawang pelikulang nakatakdang gawin niya para sa nasabing film company. Patuloy naman si Ara Mina sa sunud-sunod na provincial shows at TV guestings.

Hindi naman nababakante ang bagong baby ng Virtual na si Ana Capri. After Live Show, natapos na rin ni Ana ang May Isang Puso under Joey Reyes at kasama siya sa isang bagong show ng GMA. Kasama rin siya sa Dekada 70.

After Laro Sa Baga, muling hahataw ang Star Awards Best Actor na si Carlos Morales sa Babaeng Putik kasama si Klaudia Koronel. Kasama rin si Klaudia sa Live Show, Tuhog, Torotot at gumagawa siya ngayon ng movie with Ronnie Ricketts. Bukod pa dito, hataw pa rin si Klaudia kasama si Ara Mina sa programang Kiss Muna.

Abala naman si Dan Fernandez sa pangangampanya sa kanyang bayan sa Laguna. Tumatakbo si Dan bilang bise gobernador ng nasabing probinsya. Tuloy na ang pagkakandidato ni Gary Estrada bilang mayor sa isang bayan sa Quezon. Natapos na rin ni Gary ang pelikulang Oras Na Para Lumaban at nakatakda siyang gumawa ng dalawang bagong commercial. Halos ganito rin ang pinagkakaabalahan ni Jeric Raval na may tatlong pelikula nang natapos sa bakuran ng Regal Films at kasalukuyang gumagawa ng isang bagong TV show.

Nakatapos na ng dalawang pelikula si Gerald Madrid. Siya ang bida sa pelikulang Naked Nights ng FLT Films at kasama rin siya sa launching movie ni Isabel Granada, ang Halik Ng Sirena.

Isa pang bagong baby ngVirtual ay si Janna Victoria na kasalukuyang naglalagare sa mga TV shows at campaign. Kababalik naman ni Michael Laygo galing sa matagumpay na shows sa Japan. Kababalik lamang ng bandang JBROTHERS mula sa Japan at nakatakda na nilang gawin ang kanilang second album under BMG Records.

Ang isang katulad ni John Regala ay hindi nababakante sa pelikula, katatapos lamang niya ng Amazona under Regal Films at isang international movie. Nakatakdang gumawa si Mark Anthony Fernandez ng bagong pelikula habang abala siya sa pangangampanya sa pagtakbo ng kanyang ama.

Ang iba pang talents ng Virtual katulad nina Shiela Ysrael, Ruel Vernal, Joanne Miller at Sharla Tolentino ay kasalukuyan pa ring busy sa shooting at TV guestings.

Para sa bookings, special events at iba pang detalye, tumawag lamang sa 7211830 o kaya ay sa 7255791.