'Sinungaling' si Rea

Unang nabigyan ng exposure si Rea del Valle sa That’s Entertainment. Kasabay ng pagkakaalis ng show sa TV ay natapos din ang kanyang exposure sa isang bagets show na nasundan ng ilang pelikula sa palabas sa TV at ilang komersyal.

Nasa Prime Music Corporation siya ngayon at sa tulong ng Viva Records ay mayrong ginawang debut album na pinamagatang "O Kay Sarap Umibig." Dito galing ang single na nagsisimula nang maging chartbuster, ang "Sinungaling".

Bukod sa pagkanta, pangarap din ni Rea na masundan pa ang paglabas niya sa mga non-singing performances sa pelikula at telebisyon. She’d like to try her mettle sa mga dramatikong paglabas.

Ngayong araw na ito, nasa Antipolo siya, sa Bagong Nayon kasama si Yamani. Bukas kasali siya sa pagdiriwang ng Yes FM Grand Pasasalamat sa Cuneta Astrodome. Mapapanood siya sa Apr. 29 sa Gotesco Commonwealth at lahat ng Sabado ng buwan ng Mayo, nasa Robinson Malls siya.