Brando, dumiskarte sa movie ni Robin

Didiskarte rin si Brando Legaspi sa pelikulang Oops Teka, Diskarte Ko Ito ng Star Cinema starring Robin Padilla and Claudine Barretto. Police ang role niya rito.

"Mabait pala si Robin. Ngayon ko lang kasi siya nakasama. Sa Tarlac kami nag-shooting at doon ko siya nakilala ng husto. Masayang kasama sa shooting. Naalala nga ni Brando na lahat yata ng hilingin ni Claudine ay ibinigay ng action star.

Marami na ring pelikulang nagawa si Brando pero nagustuhan niya ang movie nila ni Robin. Sana raw magkasama uli sila ni Binoe. May isa pang movie na natapos si Brando na ipapalabas na din, ang Panabla kasama sina Ronald Gan at Angela Velez. — VG