"I'm still a virgin" - Rica

Without batting an eyelash, Rica Peralejo says she’s still a virgin. May nagtanong kasi during the presscon of her launching movie, Sa Huling Paghihintay opposite Bernard Palanca kung virgin pa siya. No doubt about it naman dahil everybody knows na well guarded siya ng kanyang mommy Alice.

Anyway, sinabi rin ng hottest sexy actress to date na she’s very complete now.

Complete as in sobra siyang masaya sa nangyayari sa career niya at sa buhay niya in general. "Sobra akong masaya ngayon. Wala na akong mahihiling pa. Imagine sobra pa sa hiningi ko sa Diyos ang ibinigay Niya," she says before the presscon last Saturday night.

May mga nagsasabi rin na kaya nag-decide siyang mag-bold ay dahil broken hearted siya. "Of course not! It’s simply a career move. Walang ganoong issue. Hindi naman ako affected sa mga nangyari ‘no. I’m very happy right now," she explains. "I have to grow up not only as a person but also as an actress kaya ginawa ko ito."

In Sa Huling Paghihintay, Rica goes beyond all expectations.

She plays a campus beauty who gets drunk during a campus victory party and succumbs sa charm ng kanyang schoolmate (Bernard Palanca). Doon nag-start ang lahat. Pero nag-iba ang landas na tinahak nila. But in the end sila ring dalawa.

Sa trailer pa lang kikiligin ka na sa pelikula. Of course, attraction ‘yung under water lovescene nila ni Bernard na kinunan for 14 hours.

Sa Huling Paghihintay is under the direction of Erik Matti for Viva Films. The movie is set to kick off on March 21.

*****

Ayaw daw aminin ni Sharon Cuneta na may kasalanan siya sa nangyari sa paggi-guest sana ni Aga Muhlach sa kanyang show a week ago. Ayon sa isang nakausap ng megastar, wala raw siyang kasalanan sa nangyari kaya hindi siya dapat mag-sorry kay Aga na naghintay sa kanya kasama ang buong cast ng Da Body en Da Guard.

Kanino kaya ang mali? Let’s say sa staff nga niya, pero still under pa rin niya ‘yung staff niya kaya dapat pa rin siyang magsabi kung ano ba talagang nangyari at kung sino talaga ang may kasalanan.

Halos ganito rin ang nangyari noon kay Lea Salonga na bigla ring nawala si Sharon. Kailangan daw magpa-check up noon ang megastar kaya iniwan rin niya si Lea.

Si Edu Manzano naman ay na-bypass ang manager na si June Rufino ni Sandy Sta. Maria. Direkta siyang (Sandy) nakipag-usap kay Edu samantalang alam naman niyang may manager si Edu na kailangang tawagan. Well, most probably hindi niya alam ang word na protocol.

Kasabay ni Edu na naging ‘biktima’ sa birthday episode ni Sharon si Gary Valenciano na originally pala ay kakanta lang. Pero nang nasa harap na siya ng kamera, sinabing magho-host siya. Maging si Gary at production assistant niya ay na-shock.

So ibig sabihin, hindi si Aga ang unang biktima ng maling sistema sa Sharon.Siyempre walang aamin kung sino sa kanila lalo na nga pag kinausap sila ng management.

Well, it’s about time siguro na malaman ng management ang mga nangyayari sa kanilang mga programa.

Base naman sa analysis ng ibang showbiz insider, nagma-maldita si Sharon sa ABS-CBN dahil hindi suportado ng station ang kandidatura ng kanyang asawang si Kiko Pangilinan katulad ng ginagawang pagsuporta ng ABS-CBN kay Noli De Castro. Kaya naman may rumor na kumakalat na lilipat na lang si Sharon sa GMA 7 ngayong nasa ilalim na ito ng pamamahala ni Manny Pangilinan.

*****

Right after February 19, tinanggal na ng management ng Star City ang Erap mascot nila. (Well, dapat lang talaga siguro dahil baka ma-turn off ang mga papasyal do’n kung makikita pa nila ang mascot ni Erap).

Open ang Star City ngayong summer. Actually, last month pa sila nagkaroon ng formal opening. Si Rufa Mae Quinto ang nag-cut ng ribbon. Do’n ko nakita na may mga batang following ang sexy actress, hindi lang pala mga kalalakihan. Nakikipag-picture taking pa nga ‘yung mga bata at nag-uunahan sa pagpapa-autograph.

Going back to Star City, halos lahat ng rides ay nago-operate sa pagbubukas nila ngayong summer season. Marami na ring mga tiangge but of course hindi kasing dami ng tiangge pag Christmas season.

Nagsara lang sila sandali last January para ma-inspect ang mga rides at the same time ay i-maintain. Ang mga foreign expert sa mga rides ang mismong tumitingin para masiguro na ligtas ang mga taong sasakay sa mga rides sa Star City.

Samantala, makakabili pa rin ang mga magpupunta roon ng mga murang bilihin tulad no’ng Pasko. Open sila hanggang 12:00 midnight kaya walang problema ‘yung mga nago-opisina na kung lumabas ay sarado na ang mga department store.

P99 ang entrance, ride all-you-can.

*****

Naging attraction sa Nestle Beach Volleyball Celebrity Game si Isabel Granada last Sunday sa CCP Complex. Nakasama niyang naglaro sina Rustom Padilla, Alex Compton, Bojo Molina, Bianca Araneta at ilang DJ na hindi namin nakilala. Magaling si Isabel. No doubt about it. Ang puna lang ng mga nanood, naka-heavy make up siya na parang magso-shooting gayung ang init-init at siyempre maalikabok.

After the game, ay nagkaroon naman ako ng chance tanungin kung anong nararamdaman ni Bojo Molina sa rumor na MU ang ex niya at si Bernard Palanca na magka-partner sa Sa Huling Paghihintay. "I’m happy for them," simpleng sagot ni Bojo na galing sa two weeks vacation.

Anyway, nanalo ang grupo nina Isabel - white team sa nasabing game last Sunday sa CCP Complex.

*****

salve v. asis’ e-mail - [email protected] / [email protected]