Eric, Joyce sa kasalang Bayan

Magiging ninong at ninang sina Eric Quizon at Joyce Jimenez sa gaganaping "Kasalang Bayan" ngayong araw, 2:00 p.m. sa Proj. 4 Quezon City sa pagmamagandang loob ni QC Councilor Mike Planas.

Aabot sa 300 mag-asawa na hindi pa nababasbasan ang pagsasama ang mag-iisang dibdib ngayong araw.

Excited na sina Joyce at Eric sa nasabing kasalan dahil ito ang unang pagkakataon na magiging ninong at ninang sila sa kasal.

Maging si Coun. Mike ay excited na rin dahil matagal din siyang nagplano kasama ang kanyang asawang si Pat P. Daza ng ABS-CBN.

"Kala ko nga, hindi na ito matutuloy dahil parang ang hirap mangyari.

Pero ngayon, nandito na," sabi ni Mr. Planas.

Lahat ng ikakasal ay magkakaroon ng instant regalo kina Joyce at Eric at souviner photo naman from Coun. Planas.

Bihirang mangyari ang ganitong pagkakataon dahil sa hirap ng buhay.

Maraming nagsasama ng hindi kasal at ito ang pagkakataon para magsama na sila ng legal.