Closet Queen, artista na !

This coming February 16, magkakaroon ng show ang Closet Queen na si Ian Valdez sa Euroland Dance Palace sa Las Piñas City na may titulong Closet Queen at The Palace Part ll, nagtagumpay kasi si Ian last year (Dec.29).

Mala Miss Saigon ang show nina Ian na kung saan ang role niya ay isang payaso. Ipapalabas na rin ang Pusong Babae, isang telesine na pinagbibidahan ni Ian sa Marso 20.

Ito’y tumatalakay sa buhay ng isang bading na inapi ng kanyang kapwa ngunit sa kanyang pagsisikap siya’y nagtagumpay sa buhay. Ang sumulat at nagdirek ng show ay si Pablo S. Gomez, produced by Royal Crown Entertainment.

Kasama niya sina Ana Capri, Juan Carlos Castro, Celia Rodriguez, Berting Labra, Alicia Alonzo, Maria Isabel Lopez, Rosanna Marquez at ang nagbabalik na si Carmen Ronda. Sa buwan din ng Marso, gaganapin ang Ms. Gay Philippines sponsored by Ian Valdez.

Sa mga gustong sumali, maaari kayong tumawag sa teleponong ito 834-25-45 hanapin lamang n’yo si Joel. (Ulat ni Gary P. Sta. Ana)