Digital LG Quiz sa bagong araw at oras

Simula February 4, bubuhayin ng Digital LG Quiz ang inyong Linggo ng umaga sa kanilang exciting at high-tech na kompetisyon para sa mga high school students sa buong bansa. Ang Digital LG Quiz ang may pinakamalaking pot ng premyo sa buong kasaysayan ng mga quiz shows sa Pilipinas. Higit sa apat na milyong pisong cash at scholarship pati na rin mga home appliances ang ipinamimigay nila sa mga winning contestants at kanilang paaralan. Ang grand champion noong isang taon na si Brian Lagason ng Regional Science High School ng Olongapo ay nanalo ng scholarship na nagkakahalaga ng US$32,000.

Samahan sina Paolo Bediones at Regine Tolentino at sumali sa paghanap ng pinakamatalinong estudyante ngayong taon. Manood ng Digital LG Quiz tuwing Linggo na mula 10:00 hanggang 11:00 ng umaga sa GMA.