Iniintriga sa kanyang boss

Hindi pa man nakakaabante ang baguhang artist na si Teresa Morales ay iniintriga na siya sa kanyang boss sa Global Records na si Atty. Leo A. Gamolo.

"Expected ko na ito but it’s not true," ang sabi ng mabait at batambatang producer.

"Hindi ba ako pwedeng magka-recording kung walang kapalit?" tanong naman ni Teresa. "I’m too grateful to my producer for giving me the chance to fulfill my dream at sana hindi siya mabigo sa akin."

Mabilis ang pag-angat ng "Kamusta Ka" album ni Teresa siguro dahil maganda ang kanta na ginawa at unang pinasikat ni Ka Freddie at dahil maganda rin ang pagkakakanta ni Teresa. Ito ang carrier single at titulo ng album.