Cogie, ayaw mag-bold!

Mabilis ang pagsikat ni Cogie Domingo matapos mapansin ang akting niya sa Deathrow kasama si Eddie Garcia. Napag-alaman ko sa isang pakikipagkuwentuhan sa kanya na contract star pa siya ng Regal Films kaya may gagawin ngang pelikula titled Xerex. May ilang eksena dito na magpapakita ng maiinit nilang eksena ni Assunta Da Rossi na siyang launching movie ng aktres. Balita namin ay hindi pumayag si Joji Dingcong, manager nito laluna ang kanyang ama. Nanggaling din ang aktor sa konserbatibong pamilya.

Wholesome kasi ang image na dapat i-project ni Cogie bilang endorser ng iba’t ibang produkto. Nauunawaan naman ni Mother Lily ang pagtanggi nila kaya naipangako ito na bibigyan na lang siya ng ibang proyekto. Baka makasama niya sina Danilo Barrios at Patrick Garcia sa pelikulang inihahanap pa ng direktor.

Hanggang ngayon ay abala pa rin sa kanyang pag-aaral si Cogie.