Joyce, no comment sa gay ni Jay?

Maraming nagtatanong kung bakit hindi tumutulong si Jay Manalo sa promo ng pelikulang Balahibong Pusa kung saan siya ang nag-iisang leading man nina Joyce Jimenez at Rica Peralejo.

Ang sabi-sabi naman, may humaharang at nagbabawal daw kay Jay para i-promote ang nasabing movie lalo pa’t pinagtatambalan nila ito ng kanyang ex-live-in partner na si Joyce.

‘‘I don’t know why. Maybe he has his reasons, and whatever it is, I would just respect it,’’ matipid na paliwanag naman buhat kay Ms. Jimenez sa isang interview.

Matagal na ngang isyu ang umano’y maimpluwensiyang gay na nag-aalaga ngayon kay Jay. Kung bakit daw namumuhay ang aktor ng marangya kahit wala itong gaanong trabaho.

At ano nga ba ang masasabi ni Joyce sa intrigang ito sa aktor? Paano niya maipagtatanggol ang dating nobyo?

‘‘I don’t wanna comment on that. I guess, I have no right to react or to give comment about that intrigue. It would be better kung siya (Jay) na lang ang tanungin n’yo about it.

‘‘Ayoko. That’s bad and it’s unfair. That’s all I can say,’’ natatawang pag-iwas na lang niya. — RP