Janno, magtatayo ng parlor

He is a very good lover, good provider din si Janno Gibbs kay Bing Loyzaga at sa 2 nilang anak.

"Sinuswerte sa career, kaya’t nag-iisip na ako ngayon na mag-negosyo. hindi kayo maniniwala, pero, gusto kong magtayo ng parlor. Kung si Ogie Alcasid ay may resto na, ako naman, serious ito, parlor talaga ang gusto ko.

"Gusto ko kasi ay magtayo ng negosyong hilig ko. Ito iyon, parlor, you might notice na may mga style sa buhok akong ginagawa lagi. Mga style na paiba-iba. Yet, hindi naman ako nagmumukhang bakla. I also would like to personally supervise it.

"Baka mag-franchise ako sa Salon de Manila. Gusto ko ang sistema nila. Gusto ko rin ang style nila, kaya nga, pina-patronize ko, namin ng mga kaibigan ko sa showbiz."

Sa loob ng 14 na taon, nakatira sina Janno Gibbs at Bing Loyzaga sa kanilang bahay sa Quezon City.

"Five bedrooms ito. Tama para sa amin ni Bing, sa 2 naming anak at may spare pa sa maids at bisita," patuloy niya.

May Dodge Ram, Ram 3 at Navigator para sa transpo ng kanyang mag-anak. Isa sa kanya, isa kay Bing at isa sa mga anak nila.

Bakit kailangan magpatayo ng bahay sa Autralia? May balak ba siyang magi-imigrate doon!

"Wala pa sa ngayon." Katwiran niya. "Later siguro. Hindi kasi tayo nakakatiyak sa mga mangyayari. Lalo na sa ating bansa ngayon. Bing is an Australian citizen, so we have some privileges."