Miriam Quiambao, bagong partner ni Paolo sa 'Extra! Extra'

Titigil na rin ang ilang buwang spekulasyon tungkol sa magiging bagong "reyna" ni Paolo Bediones sa Extra! Extra!. Opisyal na–at "reyna" nga talaga siya! Walang iba kundi ang beauty queen-turned-TV personality na si Miriam Quiambao ang eeksena sa Extra! Extra (Lunes, Biyernes, 5:30 p.m.) simula Biyernes, December 1. Sila ang magiging bagong dynamic duo na maghahatid ng pinaka-exciting na news magazine show sa bansa.

Hindi na bago sa pagho-host si Miriam dahil nagsimula ang kanyang TV career sa pagiging regular host ng Unang Hirit (Mondays-Fridays, 5 a.m.), ang pang-umagang programa ng GMA. Abala rin siya sa top-rating sitcom na Idol Ko Si Kap (Sundays, 7:00 p.m.) kung saan makikita naman ang kanyang galing sa komedya bilang lab interest ni Bong Revilla. AT kahit hectic na ang kanyang schedule, excited si Miriam sa pagho-host ng Extra! Extra! dahil bagong mundo ito para sa kanya. Excited na siya sa mga iba’t ibang ekspidisyon, lalo na yung mga out-of-town, ihahatid nila sa mga loyal viewers ng programa.

Ang buong pamilya ng Extra! lalo na si Paolo, ay inabangan ang pagpasok ni Miriam sa programa para magkaroon ng bagong sigla at kulay ang paghahatid nila ng mga pinaghihirapan nilang reports araw-araw. Kaya’t asahan n’yo ang lalong walang kaparis na mga expose at istorya mula sa Extra! Extra! ngayong kumpletos-rekados na sila.

Extra! Extra!, tuwing Lunes hanggang Biyernes mula 5:30 hanggang 6 p.m. bago mag-Saksi sa GMA.