Regine kasama sa engrandeng concert ng 2 foreign balledeers

Sina Peabo Bryson at Jeffrey Osborne, dalawa sa pinakamahusay na African at American balladeers ay darating ng Maynila para sa isang engrandeng concert kasama ang Asia’s Song Diva na si Regine Velasquez sa Nobyembre 10, 11 n.g. sa Araneta Coliseum.

Ang once in a lifetime concert na pinamagatang Celebration of Love, a Night of Love Songs, Hits and Duets ay isang pioneering effort mula sa Viva Concerts, producer din ng matagumpay na R2K The Concert at ang katatapos na This Time...Freestyle Live @ The Araneta.

Kilala si Bryson as King of Romantic Balladeers at isa sa pinaka-magaling na duet partner sa American Music Industry. Ilan sa naka-duet niya ay sina Roberta Flack ("Tonight I Celebrate My Love For You" at "The Gift"), Celine Dion ("Beauty and the Beast"), Regina Belle ("A Whole New World") at Debbie Gibson ("Light The World").

Si Osborne naman ay isang sikat na songwriter ("All At Once" ni Whitney Houston) at nakakapuno ng mga stadiums worldwide sa kanyang concerts.

Ni-revive ni Regine ang mga awitin ng dalawang ito sa kanyang "R2K" album under Viva Records, ang "If Ever You’re In My Arms Again" (Bryson) at "On the Wings of Love" (Osborne).

Ang tiket ay nagkakahalaga ng P1,500, P1,200, P600, P500 at P150. Tumawag sa 7263752.