Sex video ni Diether pakana ng kampo ni Marvin?

Hindi nagustuhan ng kampo ni Marvin Agustin ang isyung sila raw ang may pakana ng smear campaign laban kay Diether Ocampo, ang pagkaka-involve nito lately sa malisyosong video tape.

Kaya naman ’di raw agad naiwasan na mag-react si Marvin pati na ang mga kasamahan nito.

At ano nga raw ba ang masasabi ni Diether sa napipintong away na naman nila ni Marvin?

"Actually, hindi ko alam kung bakit may lumabas na gano’n, na sina Marvin nga raw ang pinagbibintangan naming may pakana ng smear campaign na ’yon sa akin.

"Honestly, wala akong matandaan na sinabi ko na sila ang may pakana at nagkalat nang gano’ng isyu laban sa akin. Never akong nagsalita na si Marvin o ang mga kasamahan niya!" mariing paniniguro ni Mr. Ocampo.

"Kung meron man akong sinabi, ’yon ay ang idea lang namin kung sino ang gumawa. Pero never akong nag-name names or nag -pin point kaya. Wala akong sinasabing si ganito or si ganyan.

"Napakalaking kalokohan naman kung sasabihin kong sina Marvin ang may pakana. In the first place, ano naman ang karapatan kong magbintang?

May idea kami kung sino sila, pero sabi ko nga, sa amin na lang ’yon. At huwag na ulit kaming gawan ng isyu ni Marvin. Huwag na kaming pag-awayin na naman!

"Matagal nang tapos ang gulu-gulo at away-away na ’yan sa amin. At ’di na ba talaga matatapos ’yan?" ang medyo iritadong pahayag pa ng guwapong aktor.

Kung si Diether nga ang tatanungin, ayaw na niyang pag-usapan pa si Marvin. Hangga’t makakaiwas nga raw ay ginagawa niya para wala wala nang masabi pa ang iba.

"Not for anything, alam ko kasi na magsalita lang ako ng isa, siguradong hahaba na ’yon. Ang masama pa, sasabihin kundi ako nanggagamit, naggagamitan lang kaming dalawa, ’di ba?," aniya pa.— Robert Perez