Lalaki na may koleksiyon ng mga lata ng energy drinks, nakatanggap ng Guinness World Record!

ISANG residente ng Tiverton, Rhode Island sa U.S. ang nakatanggap ng Guinness World Record title na “Largest Collection of Energy Drink Cans” kung saan umaabot ang kanyang koleksiyon sa 1,019 na mga lata.

Ayon kay Joel Spears, nagsimula siyang mangulekta nito habang nagre-review siya ng mga energy drinks sa kanyang YouTube channel. Sa kalaunan, natuklasan niyang umabot na sa world record ang kanyang koleksiyon.

Ikinuwento ni Spears na madali lang sa kanya ang ­pangungulekta nito pero mas mahirap ang pinagdaanan niya sa pagsumite ng application sa Guinness. Kinailangan niyang i-video at kumuha ng larawan ng bawat lata, pati na rin ang gumawa ng detalyadong listahan.