Lalaking nakahawak sa likod ng tumatakbong motorsiklo, nakatanggap ng Guinness record!

ISANG British daredevil ang kumapit sa likod ng kanyang tumatakbong motorsiklo sa bilis na 159.52 mph upang makapagtala ng bagong Guinness World Record.

Naganap ang record breaking attempt ni Jonny Davies sa The Ultimate Supercar Show, nang kumapit siya sa likod ng kanyang Kawasaki Ninja H2 SX habang tumatakbo sa tarmac ng Elvington Airfield sa Yorkshire, England.

Nakapagtala ang kanyang motorsiklo ng bilis na 159.52 mph habang isinasagawa ang stunt. Dahil dito, nakuha niya ang Guinness World Record para sa titulong: “Fastest Speed Dragged Behind a Motorcycle”.

Ang dating rekord na 156.3 mph ay naitala ni British stunt rider Gary Rothwell noong 1999.